Morphobot 變形機器人

Caltech* ê 新 "Morphobot" 是一个會行路, 駕駛, hām 飛行 ê 小型變形機器人 [* Caltech = California 理工學院]
-- 靈感來自生物 ê 這个機器人會當家己改變形狀來上好 tek 對應環境.

By Wes Davis, 2023-6-28, The Verge

Caltech* ê sin "Morphobot" sī chi̍t-ê ē kiâⁿ-lō͘, kà-sú, hām hui-hêng ê sió-hêng piàn-hêng ke-khì-lâng [* Caltech = California Lí-kang Ha̍k-īⁿ]
-- Lêng-kám lâi-chū seng-bu̍t ê chit-ê ke-khì-lâng ē-tàng ka-tī kái-piàn hêng-chōng lâi siōng-hó-tek tùi-èng khoân-kéng. 
By Wes Davis, 2023-6-28, The Verge

.

Caltech 有一个新機器人, 大細 ná 遙控汽車, he 會使改變家己 ê 形狀來駕駛, 飛行, hām 行路, hó-thang 滿足 tong-sî ê 需要. Tī 新聞稿, in kā 這台簡稱 M4 ê 機器人 hām Transformer (變形金鋼) 比較, 事實 mā 差無 kài 濟. M4  ê全名是 "Multi-Modal Mobility Morphobot [多模式行動變形機器人] (he ná 像 ’90 年代無入選 ê 囡仔節目提議).

Caltech ū chi̍t-ê sin ke-khì-lâng, tōa-sè ná iâu-khòng khì-chhia, he ē-sái kái-piàn ka-tī ê hêng-chōng lâi kà-sú, hui-hêng, hām kiâⁿ-lō͘, hó-thang boán-chiok tong-sî ê su-iàu. Tī sin-bûn kó, in kā chit-tâi kán-chheng M4 ê ke-khì-lâng hām Transformer (Piàn-hêng Kim-kong) pí-kàu, sū-si̍t mā chha bô kài chē. M4 ê choân-miâ sī "Multi-Modal Mobility Morphobot [To bô͘-sek hêng-tōng piàn-hêng ke-khì-lâng] (he ná-chhiūⁿ ’90 nî-tāi bô ji̍p-soán ê gín-á chiat-bo̍k thê-gī).

.

這台機器人有電子零件, motor /mó.tà/, hām 一台小電腦予伊決定採取啥物形狀來行動. 製作團隊 kā M4 安裝大輪仔, 予 he 會當 tī 幾秒內攑起, 變成 ná 無人機 (drone) ê 旋翼, 然後起飛.

Chit-tâi ke-khì-lâng ū tiān-chú lêng-kiāⁿ, motor /mó.tà/, hām chi̍t-tâi sío tiān-náu hō͘ i koat-tēng chhái-chhú siáⁿ-mih hêng-chōng lâi hêng-tōng. Chè-chok thoân-tūi kā M4 an-chong tōa lián-á, hō͘ he ē-tàng tī kúi-bió lāi gia̍h-khí, piàn-sêng ná bû-jîn-ki (drone) ê soân-si̍t, jiân-āu khí-poe.

.

伊 mā 會當 kō͘ 旋翼來 peh 崎坡, kō͘ 後面兩輪 ùi 塗跤驅動 ǹg 前, che 描寫 tī 一篇論文, 發表 tī Nature Communications. 另外, 如果機器人需要經過一塊特別 kham-khia̍t ê 地面, a̍h 是需要對頭前有較好 ê 觀察, 伊 mā 會使 kō͘ 兩輪 ná 雙跤 án-ne 徛起來.

I mā ē-tàng kō͘ soân-si̍t lâi peh kiā-pho, kō͘ āu-bīn nn̄g-lián ùi thô͘-kha khu-tōng ǹg-chêng, che biô-siá tī chi̍t-phiⁿ lūn-bûn, hoat-piáu tī Nature Communications. Lēng-gōa, jû-kó ke-khì-lâng su-iàu keng-kòe chi̍t-tè te̍k-pia̍t kham-khia̍t ê tē-bīn, a̍h-sī su-iàu tùi thâu-chêng ū khah hó ê koan-chhat, i mā ē-sái kō͘ nn̄g-lián ná siang-kha án-ne khiā khí-lâi.

.

https://www.theverge.com/2023/6/27/23775681/caltech-m4-morphobot-transformer-robot-nvidia-jetson-nano-cpu

Paris 飛行 taksi

Paris 準備 tī 2024 Olympic 期間推出飛行 taksi

Paris chún-pī tī 2024 Olympic kî-kan thui-chhut hui-hêng taksi

By Bryan Lynn, 2023-6-27, Voice of America

.

Franse 官員 tng-teh 準備為參加 2024 年熱天 Olympic 運動會 ê 人提供飛行 taksi ê 服務. 這種 taksi 若真正 tī Franse 首都營運, 這可能標誌飛行技術 tī 現實世界 ê 第一擺重大展示.

Franse koaⁿ-oân tng-teh chún-pī ūi chham-ka 2024-nî Joa̍h-thiⁿ Olympic Ūn-tōng-hōe ê lâng thê-kiong hui-hêng taksi ê ho̍k-bū. Chit-chióng taksi nā chin-chiàⁿ tī Franse siú-to͘ êng-ūn, che khó-lêng piau-chì hui-hêng ki-su̍t tī hiān-si̍t sè-kài ê tē-it pái tiōng-tāi tián-sī.

.

有幾若間空中 taksi 開發商參加最近 ê Paris 航空展, 展示 in ê 產品, 並且探求業界 ê 支持. 其中一間公司是德國 ê Volocopter, in 計畫欲 tī Olympic 運動會期間提供飛行 taksi 服務.

Ū kúi-ā keng khong-tiong taksi khai-hoat-siong chham-ka chòe-kīn ê Paris Hâng-khong Tián, tián-sī in ê sán-phín, pēng-chhiáⁿ thàm-kiû gia̍p-kài ê chi-chhî. Kî-tiong chi̍t-keng kong-si sī Tek-kok ê Volocopter, in kè-ōe boeh tī Olympic ūn-tōng-hōe kî-kan thê-kiong hui-hêng taksi ho̍k-bū.

.

毋過目前為止, 猶無任何 taksi 廠商得著政府批准 tī Franse 推出這種服務. Volocopter 希望成做第一間. 但是 in 猶需要對家己 ê 飛機做密集 ê 氣候測試, mā 著向 EU* 航空安全局提報幾千頁 ê 文件. [* EU = Europa 盟邦]

M̄-koh bo̍k-chêng ûi-chí, iáu bô jīm-hô taksi chhiúⁿ-siong tit-tio̍h chèng-hú phe-chún tī Franse thui-chhut chit-chióng ho̍k-bū. Volocopter hi-bāng chiâⁿ-chò tē-it keng. Tān-sī in iáu su-iàu tùi ka-tī ê hui-ki chò bi̍t-chi̍p ê khì-hāu chhek-chhì, mā tio̍h hiòng EU* Hâng-khong An-choân Kio̍k thê-pò kúi chheng ia̍h ê bûn-kiāⁿ. [* EU = Europa Bêng-pang]

.

https://learningenglish.voanews.com/a/paris-prepares-to-launch-flying-taxis-during-2024-olympics/7153167.html

韓國人變較少年

根據新 ê 年歲算法, 韓國人變較少年

Kin-kì sin ê nî-hòe sǹg-hoat, Hân-kok lâng piàn khah siàu-liân

Pò-tō: Kelly Ng, BBC News

--

一項新法律 kā 兩種傳統 ê 韓國年歲算法改做國際 ê 標準算法. 這項年歲算法 ê 法律這个拜三生效.

Chi̍t-hāng sin hoat-lu̍t kā nn̄g-chióng thoân-thóng ê Hân-kok nî-hòe sǹg-hoat kái-chò kok-chè ê piau-chún sǹg-hoat. Chit-hāng nî-hòe sǹg-hoat ê hoat-lu̍t chit-ê pài-saⁿ seng-hāu.

新法律廢除一个傳統制度, he 認定韓國人出世 tō 一歲, its* 包括 tī 子宮 ê 時間. 另一種算法是 tī 每年正月初一加一歲, 毋是根據生日. [* its = 也就是]

Sin hoat-lu̍t hùi-tî chi̍t-ê thoân-thóng chè-tō͘, he jīn-tēng Hân-kok lâng chhut-sì tō chi̍t-hòe, its* pau-koat tī chú-kiong ê sî-kan. Lēng chi̍t-chióng sǹg-hoat sī tī múi-nî chiaⁿ-goe̍h chhe-it ke chi̍t-hòe, m̄-sī kin-kì seⁿ-ji̍t. [* its = iā-tō-sī]

Yoon Suk-yeol 總統 tī 舊年競選 ê 時, 大力推動這个變化. 伊講, 傳統 ê 年歲算法造成 "無需要 ê 社會 hām 經濟成本." Cck*, tī 保險賠償 hām 斷定政府援助方案 ê 資格方面出現爭議. [* cck = 親像講]

Yoon Suk-yeol Chóng-thóng tī kū-nî kēng-soán ê sî, tōa-la̍t thui-tōng chit-ê piàn-hòa. I kóng, thoân-thóng ê nî-hòe sǹg-hoat chō-sêng "bô su-iàu ê siā-hōe hām keng-chè sêng-pún." Cck*, tī pó-hiám pôe-sióng hām toàn-tēng chèng-hú oān-chō͘ hong-àn ê chu-keh hong-bīn chhut-hiān cheng-gī. [* cck = chhin-chhiūⁿ kóng]

--

https://www.bbc.com/news/world-asia-66028606

Mìmi Choi ê 3D 化妝藝術

化妝藝術家 kā 家己 ê 面化做幻覺

作者:  Margherita Cole, 2023-6-26

Hòa-chong gē-su̍t-ka kā ka-tī ê bīn hòa-chò hoàn-kak

Chok-chiá:  Margherita Cole, 2023-6-26

--

一般藝術家 kō͘ 帆布創造藝術, Mimi Choi 是 kō͘ 家己 ê 面. 這位徛起 tī Vancouver ê 化妝藝術家, kō͘ 超級能力 kā 家己 ê 面化做難得相信 ê 幻覺, tī 網路真出名. Ùi 皮膚妝點濟濟目睭 kàu 畫出負空間 ê 烏空 tt*, chiah-ê 畫作激起驚嘆, mā 引起好玄. [* tt = 等等]

It-poaⁿ gē-su̍t-ka kō͘ phâng-pò͘ chhòng-chō gē-su̍t, Mimi Choi sī kō͘ ka-tī ê bīn. Chit-ūi khiā-khí tī Vancouver ê hòa-chong gē-su̍t-ka, kō͘ chhiau-kip lêng-le̍k kā ka-tī ê bīn hòa chò lân-tit siong-sìn ê hoàn-kak, tī bāng-lō͘ chin chhut-miâ. Ùi phôe-hu chng-tiám chē-chē ba̍k-chiu kàu ōe chhut hū-khong-kan ê o͘-khang tt*, chiah-ê ōe-chok kek-khí keng-thàn, mā ín-khí hòⁿ-hiân. [* tt = téng-téng]

Choi ê 3D 化妝術 ká-ná 有不盡 ê 想像力. 她所處理 ê 造形種類 mā 有變化, ùi 超現實 ê 人面 kàu 超大 ê 食物 tt. 她一沿一沿畫面, 照需要創造光和影來加強幻覺, án-ne 來實現每一个想法. 舉例, tī 一个造形, 她 kā 面 ê 側面畫做一个查某形, 甚至 giú-la̍k 家己 ê 頭鬃, hō͘ he hām 畫作 ê 頭殼敆做一體.

Choi ê 3D hòa-chong-su̍t ká-ná ū put-chīn ê sióng-siōng-le̍k. Yi só͘ chhú-lí ê chō-hêng chióng-lūi mā ū piàn-hòa, ùi chhiau hiān-si̍t ê lâng-bīn kàu chhiau-tōa ê chia̍h-mi̍h tt. Yi chi̍t-iân chi̍t-iân ōe bīn, chiàu su-iàu chhòng-chō kng hām iáⁿ lâi ka-kiông hoàn-kak, án-ne lâi si̍t-hiān múi chi̍t-ê siūⁿ-hoat. Kí-lē, tī chi̍t-ê chō-hêng, yi kā bīn ê chhek-bīn ōe-chò chi̍t-ê cha-bó͘ hêng, sīm-chì giú-la̍k ka-tī ê thâu-chang, hō͘ he hām ōe-chok ê thâu-khak kap-chò chi̍t-thé.

--

https://mymodernmet.com/mimi-choi-surreal-makeup-and-body-art/

老爸騎馬來接 8 歲後生

學校上尾工, 老爸騎馬來接 8 歲後生

Ha̍k-hāu siōng bóe-kang, lāu-pē khiâ-bé lâi chiap 8-hòe hāu-seⁿ

--

Oklahoma 一个叫 Mike Moorman ê 老爸, tī Edmond 所在 ê Rose Union 小學上課上尾工, 無駛車, kō͘ 兩隻馬來接 in 8 歲後生 Cale 轉去.

 

這場特別安排 ê 學校接送, 是延紲 Moorman ê 囡仔時傳統. "學校上尾工, 我騎馬去學校," 伊 kā Today.com [報社] 講. "真濟囡仔 lóng án-ne 做." 

Chit-tiûⁿ te̍k-pia̍t an-pâi ê ha̍k-hāu chiap-sàng, sī iân-sòa Moorman ê gín-á-sî thoân-thóng. "Ha̍k-hāu siōng bóe-kang, góa khiâ-bé khì ha̍k-hāu," i kā Today.com [pò-siā] kóng. "Chin chē gín-á lóng án-ne chò." 

這擺輪著 Cale ah! Cale 自 2-3 歲 tō teh 騎馬, Moorman 講, 甚至參加青少年騎馬比賽. Cale 對騎馬 ê 逐項代誌 lóng 興 chhih-chhih, 伊欲親像老爸 án-ne.

Chit-pái lûn tio̍h Cale ah! Cale chū 2-3 hòe tō teh khiâ-bé, Moorman kóng, sīm-chì chham-ka chheng-siàu-liân khiâ-bé pí-sài. Cale tùi khiâ-bé ê ta̍k-hāng tāi-chì lóng hèng chhih-chhih, i boeh chhin-chhiūⁿ lāu-pē án-ne.

--

https://www.today.com/parents/dads/dad-rides-horse-son-school-pickup-rcna85579

Titanic 攝影師講起伊 ê 經歷

險仔牢 tī Titanic 殘骸 ê 電影攝影師講起伊 ê 經歷

Hiám-á tiâu tī Titanic Chân-hâi ê Tiān-iáⁿ Liap-iáⁿ-su Kóng-khí I ê Keng-le̍k

--

一位電影攝影師透露 tī Atlantic 海洋兩 mai [3.2 km] 深 ê 所在牢 tī Titanic 殘骸 ê 感覺生做按怎.

Chi̍t-ūi tiān-iáⁿ liap-iáⁿ-su thàu-lō͘ tī Atlantic Hái-iûⁿ nn̄g-mai [3.2 km] chhim ê só͘-chāi tiâu tī Titanic Chân-hâi ê kám-kak seⁿ-chò án-chóaⁿ

Norway攝影師 Per-Inge Schei 對目前 tī 北 Atlantic 失蹤藏水器內面 ê 五个人表示強烈 ê 同情; 大規模探揣 tng-teh tī hia 進行, hó-thang 拯救 in ê 性命.

Norway liap-iáⁿ-su Per-Inge Schei tùi bo̍k-chêng tī Pak Atlantic sit-chong chhàng-chúi-khì lāi-bīn ê gō͘-ê lâng piáu-sī kiông-lia̍t ê tông-chêng; tōa kui-bô͘ thàm-chhōe tng-teh tī hia chìn-hêng, hó-thang chín-kiù in ê sèⁿ-miā.

Schei 是 bat 近距離觀察 Titanic 殘骸少數人其中一个, 伊 tī 1991 年開 36 小時 tī 海底, 翕 IMAX 紀錄片 Titanica. 不而過, 伊 ê 任務拄著困難, Schei 有一擺險仔無命 ê 經歷.

Schei sī bat kīn kī-lī koan-chhat Titanic chân-hâi chió-sò͘ lâng kî-tiong chi̍t-ê, i tī 1991 nî khai 36 sió-sî tī hái-té, hip IMAX kì-lo̍k-phìⁿ Titanica. Put-jî-kò, i ê jīm-bū tú-tio̍h khùn-lân, Schei ū chi̍t-pái hiám-á bô-miā ê keng-le̍k.

"攝影 ê 時阮用 siuⁿ 濟電, 致使電池 ê 電力 siuⁿ 低, 這是阮準備欲浮出 ê 時拄著 ê 經歷," Schei án-ne kā Norway 廣播公司 NRK 講.

"Liap-iáⁿ ê sî goán iōng siuⁿ chē tiān, tì-sú tiān-tî ê tiān-la̍t siuⁿ kē, che sī goán chún-pī boeh phû-chhut ê sî tú-tio̍h ê keng-le̍k," Schei án-ne kā Norway kóng-pò kong-si NRK kóng.

意思 tō 是, 組員著切 hoa 所有電器, 烏暗中坐 tī Titanic 殘骸區 ê 海底. In 啉茶來保持體溫.

Ì-sù tō sī, cho͘-oân tio̍h chhiat-hoa só͘-ū tiān-khì, o͘-àm tiong chē tī Titanic chân-hâi khu ê hái-té. In lim-tê lâi pó-chhî thé-un.

"Án-ne 做是欲予電池有時間 thang 回復. Tī 藏水船內面, 逐个恬恬, 極少講話," Schei 講.

"Án-ne chò sī boeh hō͘ tiān-tî ū sî-kan thang hôe-ho̍k. Tī chhàng-chúi-chûn lāi-bīn, ta̍k-ê tiām-tiām, ke̍k chió kóng-ōe," Schei kóng.

Schei 和同伴等一點鐘, 藏水船才 koh 有電, 會當開始浮出. 這位電影攝影師認為伊真好運, 無牢 tī 海底, 因為沉船附近有真濟破鬖物.

Schei hām tông-phōaⁿ tán chi̍t tiám-cheng, chhàng-chúi-chûn chiah koh ū tiān, ē-tàng khai-sí phû-chhut. Chit-ūi tiān-iáⁿ liap-iáⁿ-su jīn-ûi i chin hó-ūn, bô tiâu tī hái-té, in-ūi tîm-chûn hū-kīn ū chin chē phòa-sàm-mi̍h.

--

https://petapixel.com/2023/06/21/cinematographer-who-almost-got-stuck-in-titanic-shipwreck-describes-his-experience/

Cinematographer Who Almost Got Stuck in Titanic Shipwreck Describes His Experience

--

A cinematographer has revealed what it is like to be stuck over two miles deep in the Atlantic Ocean amid the Titanic shipwreck.

Norweigan photographer Per-Inge Schei has strong sympathies for the five people currently inside the missing submarine in the North Atlantic where a massive search is ongoing in a desperate bid to save their lives.

Schei is one of a handful of people who have seen the Titanic wreck up close and spent 36 hours on the seabed in 1991 to film the IMAX documentary Titanica. However, his own mission experienced difficulties and Schei had a near-death experience.

“We had used a lot of electricity when we were filming. The battery capacity was therefore low, something we experienced during the preparations for the ascent,” Schei tells NRK, a Norweigan broadcasting company.

揣失蹤藏水器

Titanic 觀光藏水器: 拚命揣內面坐 5 人 ê 失蹤藏水器

Titanic koan-kong chhàng-chúi-khì: piàⁿ-miā chhōe lāi-bīn chē 5 lâng ê sit-chong chhàng-chúi-khì

--

拜一 [2023-6-19] 探揣小組趕時間 teh 揣一台 tī 北 Atlantic 藏水去 Titanic 殘骸 ê 觀光藏水器.

Pài-it [2023-6-19] thàm-chhōe sió-cho͘ kóaⁿ sî-kan teh chhōe chi̍t-tâi tī pak Atlantic chhàng-chúi khì Titanic chân-hâi ê koan-kong chhàng-chúi-khì.

美國海岸警衛隊講, "一台載 5 个人 ê 小型藏水器" 失蹤 tī Titanic 殘骸附近, 彼隻船仔會堪得沉水 96 小時, m̄-koh 毋知伊今是猶 tī 水底 a̍h 已經浮出水面 m̄-koh 袂得通信. 

Bí-kok Hái-hōaⁿ Kéng-ūi Tūi kóng, "chi̍t-tâi chài 5-ê lâng ê sió-hêng chhàng-chúi-khì" sit-chong tī Titanic chân-hâi hū-kīn, hit-chiah chûn-á ē-kham-tit tîm-chúi 96 sió-sî, m̄-koh m̄-chai i taⁿ sī iáu-tī chúi-té a̍h í-keng phû-chhut chúi-bīn m̄-koh bē-tit thong-sìn. 

海警隊講, 藏水器 tī 拜一被通報過時, m̄-koh tī 禮拜日下晝藏水 1 點鐘 45 分以後 tō 失去連絡.

Hái-Kéng Tūi kóng, chhàng-chúi-khì tī pài-it pī thong-pò kòe-sî, m̄-koh tī lé-pài-ji̍t ē-tàu chhàng-chúi 1 tiám-cheng 45 hun í-āu tō sit-khì liân-lo̍k.

--

https://www.theguardian.com/uk-news/2023/jun/19/titanic-tourist-submarine-missing-north-atlantic

Titanic tourist submersible: desperate search for sub missing with five onboard

Search and rescue teams were racing against time on Monday to find a tourist sub that went missing in the north Atlantic while on a dive to the wreck of the Titanic.

The US Coast Guard said “a small submarine with five persons onboard” had gone missing in the vicinity of the Titanic wreck and that the vessel had the capacity to be submerged for 96 hours, but it was unclear whether it was still underwater or had surfaced and was unable to communicate.

The submersible was reported overdue on Monday but contact was lost 1 hour 45 minutes into its dive on Sunday afternoon, the coast guard said.

--

3000 年前 ê 劍

考古學家發現一支 3000 年前 ê 劍, 保存 kah 真好, 猶會閃光

Khó-kó͘ ha̍k-ka hoat-hiān chi̍t-ki 3000-nî chêng ê kiàm, pó-chûn kah chin hó, iáu ē siám-kng

--

CNN -- 考古學家 tī 德國南部 Bavaria 州 ê 一个埋葬地發現一支 3000 年前 ê 八角柄 ê 劍.

CNN -- Khó-kó͘ ha̍k-ka tī Tek-kok lâm-pō͘ Bavaria Chiu ê chi̍t-ê bâi-chòng tē hoat-hiān chi̍t-ki 3000-nî chêng ê peh-kak-pèⁿ ê kiàm.

劍保存 kah 真好, 猶會閃光, Bavaria 州古物保存局 ê 一份聲明 án-ne 講.

Kiàm pó-chûn kah chin hó, iáu ē siám-kng, Bavaria Chiu Kó͘-bu̍t Pó-chûn Kio̍k ê chi̍t-hūn seng-bêng án-ne kóng.

劍 tī 頂禮拜 tī Donau-Ries 一个遺址發現, 研究人員相信彼是一件留 tī 墓 nih ê 陪葬品.

Kiàm tī téng lé-pài tī Donau-Ries chi̍t-ê ûi-chí hoat-hiān, gián-kiù jîn-oân siong-sìn he sī chi̍t-kiāⁿ lâu tī bōng nih ê pôe-chòng phín.

這支劍照想會使追到 BCE (kong-oân-chêng 公元前, Before Common Era) 14 世紀尾, its* 中青銅時代. 像這種完全 kō͘ 青銅製成 ê, 八角形手柄 ê 劍, 是一个罕見 ê 發現, 聲明 án-ne 講. [* its = 也就是]

Chit-ki kiàm chiàu siūⁿ ē-sái tui kàu BCE (kong-oân-chêng 公元前, Before Common Era) 14 sè-kí bóe, its* Tiong Chheⁿ-tâng Sî-tāi. Chhiūⁿ chit-chióng oân-choân kō͘ chheⁿ-tâng chè-sêng ê, peh-kak-hêng chhiú-pèⁿ ê kiàm, sī chi̍t-ê hán-kiàn ê hoat-hiān, seng-bêng án-ne kóng. [* its = iā-tō-sī]

"這支劍 hām 埋葬點需要進一步檢查, hó-thang 阮 ê 考古學家會當對這擺 ê 出土做閣較準確 ê 分類," Mathias Pfeil 教授講, 伊是 Bavaria 州古物保存局局長.

"Chit-ki kiàm hām bâi-chòng tiám su-iàu chìn-chi̍t-pō͘ kiám-cha, hó-thang goán ê khó-kó͘ ha̍k-ka ē-tàng tùi chit-pái ê chut-thó͘ chò koh-khah chún-khak ê hun-lūi," Mathias Pfeil Kàu-siū kóng, i sī Bavaria Chiu Kó͘-bu̍t Pó-chûn Kio̍k Kio̍k-tiúⁿ.

--

https://edition.cnn.com/style/article/bronze-age-sword-germany-scli-intl-scn/index.html

Archaeologists find a 3,000-year-old sword so well preserved it’s still gleaming

--

CNN — Archaeologists have found an octagonal sword dating from more than 3,000 years ago at a burial site in the state of Bavaria, southern Germany.

The sword is so well preserved that it still gleams, according to a statement from the Bavarian State Office for the Preservation of Monuments.

It was discovered last week at a site in Donau-Ries, and researchers believe it was left in the grave as a burial gift.

The sword is thought to date to the end of the 14th century BCE, the Middle Bronze Age. A sword like this, with an octagonal handle made entirely from bronze, is a rare find, according to the statement.

“The sword and the burial still have to be examined so that our archaeologists can classify this excavation more precisely,” said Professor Mathias Pfeil, Head of the Bavarian State Office for the Preservation of Monuments.

雙層飛機坐位

Tī internet ín-khí cheng-gī ê siang-chàn hui-ki chē-ūi ê siat-kè-su kóng, i "taⁿ koh-khah khak-tēng" he ē khí-poe.

Tī internet 引起爭議 ê 雙層飛機坐位 ê 設計師講, 伊 "今閣較確定" he 會起飛.

Chē keng-chè-chhng khó-lêng sī lí lí-hêng siōng o͘-àm ê pō͘-hūn. Tī chi̍t-pâi cha̍t chiⁿ-chiⁿ ê chē-ūi khut kúi tiám-cheng, khó-lêng hō͘ lâng kan-khó͘ kah kiò m̄-káⁿ, kúi hun-cheng kám-kak ná-chhiūⁿ kúi-ā kang.

坐經濟艙可能是你旅行上烏暗 ê 部份. Tī 一排 cha̍t chiⁿ-chiⁿ ê 坐位屈幾點鐘, 可能予人艱苦 kah 叫毋敢, 幾分鐘感覺 ná 像幾若工.

Tō sī án-ne, Alejandro Nunez Vicente siat-kè chi̍t-ê chhòng-sin ê siang-chàn keng-chè-chhng chē-ūi ê goân-hêng, hō͘ múi-ūi sêng-kheh khah chē khong-kan, koh m̄-bián kiám-chió hâng-pan ê lí-kheh-sò͘.

Tō 是 án-ne, Alejandro Nunez Vicente 設計一个創新 ê 雙層經濟艙坐位 ê 原型, 予每位乘客較濟空間, koh 毋免減少航班 ê 旅客數.

Hō-chò "Chaise Longue" /shez long/ [tn̂g-í] ê chit-ê siat-kè, pún-goe̍h khah chá tī Tek-kok Hamburg Hui-ki Lāi-chong Expo tián-lám liáu, tī siā-kau mûi-thé tit-tio̍h kek-lia̍t ê hoán-èng, che chá-chêng Insider [cha̍p-chì] ū pò-tō. Kin-kì Insider lēng-gōa chi̍t-phiⁿ bûn-chiuⁿ, TikToker khòaⁿ sī te̍k-pia̍t kòa-ì ē phīⁿ-tio̍h téng-bīn pâi sêng-kheh ê chhàu-phùi.

號做 "Chaise Longue" /shez long/ [長椅] ê 這个設計, 本月較早 tī 德國 Hamburg 飛機內裝 Expo 展覽了, tī 社交媒體得著激烈 ê 反應, 這早前 Insider [雜誌] 有報導. 根據 Insider 另外一篇文章, TikToker 看是特別掛意會鼻著頂面排乘客 ê 臭屁.

M̄-koh, chòe-kīn chiap-siū Insider chhái-hóng ê sî, Vicente kóng, chin chē hâng-khong kong-si hām chè-chō siong lóng tùi chit-ê siat-kè ū hèng-chhù.

M̄-koh, 最近接受 Insider 採訪 ê 時, Vicente 講, 真濟航空公司 hām 製造商 lóng 對這个設計有興趣.

"Tî-liáu lí tī internet hoat-hiān ê hiah-ê hó-sńg ê phe-phêng í-gōa, chéng-thé ê hoán-èng hui-siông chiàⁿ-bīn. Jî-chhiáⁿ góa taⁿ koh-khah khak-tēng, che ē khí-poe," i kóng.

"除了你 tī internet 發現 ê hiah-ê 好耍 ê 批評以外, 整體 ê 反應非常正面. 而且我今閣較確定, 這會起飛," 伊講.

--

https://www.insider.com/double-level-economy-plane-seat-designer-says-airlines-are-interested-2023-6

The designer of a double-level plane seat that's dividing the internet says he's 'more sure than ever' that it will fly

Flying economy could be the worst part of your trip. Spending hours stuffed into a row of cramped seats can be devastatingly uncomfortable, making minutes feel like days. 

That's why Alejandro Núñez Vicente designed an innovative prototype for economy seating on two levels that would create more space per passenger without reducing the number of passengers on a flight.

The design, called Chaise Longue, received backlash on social media platforms after being displayed at Aircraft Interiors Expo in Hamburg, Germany, earlier this month, as Insider previously reported. TikTokers seem particularly concerned with smelling the farts of the people in the top rows, according to another Insider article.

But in a recent interview with Insider, Vicente said many airlines and manufacturers are interested in the design."

Apart from that fun criticism that you can find on the internet, the overall response is extremely positive. And I'm more sure than ever that this will fly," he said.

韓國 kā 賰 ê 食物做好 ê 利用

Hân-kok kā chhun-ê chia̍h-mi̍h chò hó ê lī-iōng

韓國 kā 賰 ê 食物做好 ê 利用

--

Seoul, Hân-kok -- Sè-kài-tek múi-nî hiat-tiāu ê 1,400 bān tòng chia̍h-mi̍h tōa pō͘-hūn the̍h-khì thiām-thô͘. Nōa ê sî, he ē u-jiám chúi, thô͘, koh pàng-chhut methane (chiau-khì, 沼氣), he sī kiông-le̍k ê un-sek khì-thé.

Seoul, 韓國 -- 世界 tek 每年㧒掉 ê 1,400 萬噸食物大部份提去填塗. 爛 ê 時, he 會汙染水, 塗, koh 放出 methane (chiau-khì, 沼氣), he 是強力 ê 溫室氣體.

--

Hân-kok m̄-sī án-ne, in chū cpt* 20-nî chêng tō kìm-chí kā chhun-ê chia̍h-mi̍h thiām-thô͘. In kā tōa pō͘-hūn chhun-ê chia̍h-mi̍h choán-hòa chò tōng-bu̍t chhī-liāu, pûi-liāu hām ka-têng sio-khì ê jiân-liāu. [*cpt = chha-put-to]

韓國毋是 án-ne, in 自 cpt* 20 年前 tō 禁止 kā 賰 ê 食物填塗. In kā 大部份賰 ê 食物轉化做動物飼料, 肥料 hām 家庭燒氣 ê 燃料. [*cpt = 差不多]

--

Chia̍h-mi̍h pùn-sò sī chō-sêng khì-hāu piàn-hòa chi̍t-ê siōng-tōa ê in-sò͘, m̄-nā in-ūi methane, mā-sī in-ūi chè-chō hām un-su kòe-thêng tiong ê lêng-goân hām chu-goân mā lóng phah-sńg khì.

食物糞埽是造成氣候變化一个上大 ê 因素, 毋但因為 methane, mā 是因為製造 hām 運輸過程中 ê 能源 hām 資源 mā lóng 拍損去.

--

Hân-kok ê chè-tō͘ hō͘ tāi-iok 90% chhun-ê chia̍h-mi̍h bián thiām-thô͘ a̍h jiân-sio. Choân sè-kài ê chèng-hú lóng teh gián-kiù chit-ê chè-tō͘. Lâi-chū China, Denmark, hām kî-thaⁿ só͘-chāi ê koaⁿ-oân í-keng chham-koan Hân-kok ê siat-si. Chi̍t-ê New York Chhī ê khoân-kéng ūi-seng pō͘-mn̂g hoat-giân-jîn kóng, kúi-nî lâi koan-chhat Hân-kok chè-tō͘ liáu-āu, New York Chhī chiong tī mê-nî chhiu-thiⁿ chêng iau-kiû só͘-ū ki-bîn hun-khui chia̍h-mi̍h pùn-sò hām kî-thaⁿ pùn-sò. 

韓國 ê 制度 予大約 90% 賰 ê 食物免填塗 a̍h 燃燒, 全世界 ê 政府 lóng teh 研究這个制度. 來自 China, Denmark, hām 其他所在 ê 官員已經參觀韓國 ê 設施. 一个 New York 市 ê 環境衛生部門發言人講, 幾年來觀察韓國制度了後, New York 市將 tī 明年秋天前要求所有居民分開食物糞埽 hām 其他糞埽. 

--

https://buffalonews.com/south-korea-puts-its-food-scraps-to-good-use/article_71852a0d-ffd8-5b85-bc2c-c66de4d55915.html

--

South Korea puts its food scraps to good use

SEOUL, South Korea – Around the world, most of the 1.4 billion tons of food thrown away each year goes to landfills. As it rots, it pollutes water and soil and releases huge amounts of methane, one of the most potent greenhouse gases.

But not in South Korea, which banned food scraps from its landfills almost 20 years ago. Here, the vast majority of it gets turned into animal feed, fertilizer and fuel for heating homes.

Food waste is one of the biggest contributors to climate change, not only because of the methane but also because the energy and resources that went into its production and transport have been wasted, too.

The system in South Korea, which keeps about 90% of discarded food out of landfills and incinerators, has been studied by governments around the world. Officials from China, Denmark and elsewhere have toured South Korea's facilities. New York City, which will require all residents to separate their food waste from other trash by next fall, has been observing the Korean system for years, a spokesperson for the city's sanitation department said.

奇蹟: 囡仔靠家己生存 40 工 tī Amazon 森林

"奇蹟, 奇蹟": 囡仔靠家己生存 40 工 tī Amazon 森林 -- 飛機失事干焦這 4 个原住民囡仔活落來, 老母無活

"Kî-chek, kî-chek": Gín-á khò ka-tī seng-chûn 40 kang tī Amazon som-lîm -- Hui-ki sit-sū kan-ta chit 4-ê goân-chū-bîn gín-á oa̍h lo̍h-lâi, lāu-bú bô oa̍h

--

幾條唌人 ê 線索 hō͘ 救難人員繼續向前. 食賰 ê 果子有細支人類喙齒咬過 ê 痕跡, 一支鉸刀 hām 雨林塗糜中 ê 尿苴仔. 一切 lóng 提供希望: 神奇 tī 飛機失事活落來 ê 4 个囡仔 mā 會當生存 tī Amazon ê 危險中, 雖罔 in 老母, 機師, hām 另外一个大人無活過這个事故.

Kúi-tiâu siâⁿ-lâng ê sòaⁿ-soh hō͘ kiù-lān jîn-oân kè-sio̍k hiòng-chêng. Chia̍h-chhun ê kóe-chí ū sè-ki jîn-lūi chhùi-khí kā-kòe ê hûn-jiah, chi̍t-ki ka-to hām hō͘-lîm thô͘-môe tiong ê jiō-chū-á. It-chhè lóng thê-kiong hi-bāng: sîn-kî tī hui-ki sit-sū oa̍h lo̍h-lâi ê 4-ê gín-á mā ē-tàng seng-chûn tī Amazon ê hûi-hiám tiong, sui-bóng in lāu-bú, ki-su, hām lēng-gōa chi̍t-ê tōa-lâng bô oa̍h-kòe chit-ê sū-kò͘.

飛機 tī 5 月初1 墜落 tī Colombia 南部, 上大漢 ê 囡仔 13 歲, 上細漢才欲度晬, 迷失 tī cha̍t-cha̍t 綠色樹尾 hām 草木下面, hia 有豹, 毒蛇, hām 其他 ê 威脅.

Hui-ki tī 5 goe̍h chhe-1 tūi-lo̍h tī Colombia lâm-pō͘, siōng tōa-hàn ê gín-á 13 hòe, siōng sè-hàn chiah boeh tō͘-chè, bê-sit tī cha̍t-cha̍t le̍k-sek chhiū-bóe hām chháu-bo̍k ē-bīn, hia ū pà, to̍k-chôa, hām kî-thaⁿ ê ui-hia̍p.

兩禮拜以後才揣著這台 Cessna 輕型飛機 ê 殘骸, hām 內面 ê 三具大人死體. M̄-koh, 無看e 囡仔影, in 原本蹛 Huitoto 社區. 自 án-ne tī 原始, 荒涼 ê 森林開始一个長 ló-ló ê 探揣.

Nn̄g lé-pài í-āu chiah chhōe tio̍h chit-tâi Cessna khin-hêng hui-ki ê chân-hâi, hām lāi-bīn ê saⁿ-khū tōa-lâng sí-thé. M̄-koh, bô khòaⁿ-e gín-á iáⁿ, in goân-pún tòa Huitoto Siā-khu. Chū án-ne tī goân-sí, hong-liâng ê som-lîm khai-sí chi̍t-ê tn̂g ló-ló ê thàm-chhōe.

--

https://www.theguardian.com/world/2023/jun/10/colombian-children-found-alive-five-weeks-after-amazon-jungle-plane-crash

‘Miracle, miracle’: lone children survive 40 days in Amazon jungle -- The four Indigenous children were the only survivors of a plane crash that killed their mother

A few tantalising clues kept the rescuers going. The remains of fruit with bitemarks made by small human teeth, a pair of scissors and nappies in the rainforest mud. All offered hope that four children, who had miraculously survived a plane crash that killed their mother, the pilot and the only other adult on board, also survived the dangers of the Amazon.

The oldest was only 13 when the plane went down on 1 May in southern Colombia. The youngest would mark his first birthday lost under the dense green canopy of trees and vegetation, alive with jaguars, venomous snakes and other threats.

The remains of the Cessna light aircraft were found two weeks later, with the bodies of three adults still inside. But there was no sign of the children, who come from the Huitoto Indigenous community. A long search through the virgin, inhospitable forest began.

小模組反應爐 SMR

探討小模組反應爐: 一个拍破核能阻礙 ê ha̍h 成本效益方案

Thàm-thó Sío Bô͘-cho͘ Hoán-èng-lô͘: Chi̍t-ê Phah-phòa He̍k-lêng Chó͘-gāi ê ha̍h Sêng-pún Hāu-ek Hong-àn

--

拍破核能界 ê 阻礙, 久來一直是政府 hām 業界頭人 ê 挑戰. 傳統核電廠 需要大量前期資本投入,  複雜 ê 起造過程, hām 大塊實際場地. 不而過, 近來 tī 小模組反應爐 (SMR) 技術 ê 發展 開始改變核能 ê 地貌, 提供一个 ha̍h 成本效益 ê 方案, thang 解決這个長期 ê 阻礙.

Phah-phòa he̍k-lêng kài ê chó͘-gāi, kú-lâi it-ti̍t sī chèng-hú hām gia̍p-kài thâu-lâng ê thiáu-chiàn. Thoân-thóng he̍k-tiān chhiúⁿ su-iàu tāi-liōng chêng-kî chu-pún tâu-ji̍p,  ho̍k-cha̍p ê khí-chō kòe-thêng, hām tōa-tè si̍t-chè tiûⁿ-tē. Put-jî-kò, kīn-lâi tī sío bô͘-cho͘ hoán-èng-lô͘ (SMR) ki-su̍t ê hoat-tián khai-sí kái-piàn he̍k-lêng ê tē-māu, thê-kiong chi̍t-ê ha̍h sêng-pún hāu-ek ê hong-àn, thang kái-koat chit-ê tn̂g-kî ê chó͘-gāi.

小模組反應爐 是新一代 ê 核電廠, 尺寸細, 在廠製造, 設計 kah 好搬運, 好安裝. 無像傳統核反應爐 產生幾 gigawatt ê 電, SMR 一般產生 50-300 megawatt. 這種減少 ê 出力, 予核電 ê 生產較靈活, 好調整, 予國家會使投資核能, 毋免大規模 ê 基礎建設.

Sió bô͘-cho͘ hoán-èng-lô͘ sī sin chi̍t-tāi ê he̍k-tiān-chhiúⁿ, chhioh-chhùn sè, chāi-chhiúⁿ chè-chō, siat-kè kah hó poaⁿ-ūn, hó an-chong. Bô chhiūⁿ thoân-thóng he̍k hoán-èng-lô͘ sán-seng kúi gigawatt ê tiān, SMR it-poaⁿ sán-seng 50-300 megawatt. Chit-chióng kiám-chió ê chhut-la̍t, hō͘ he̍k-tiān ê seng-sán khah lêng-oa̍h, hó tiâu-chéng, hō͘ kok-ka ē-sái tâu-chu he̍k-lêng, m̄-bián tōa kui-bô͘ ê ki-chhó͘ kiàn-siat.

--

https://www.energyportal.eu/news/breaking-down-barriers-the-cost-efficient-advantage-of-small-modular-reactors/1566/

eDNA 顯示 生物多樣性 ê 下降

空氣品質 過濾器 意外收集 ê 空氣中 ê DNA 顯示出 物種 ê 狀況 -- 新研究 顯示, 檢測汙染 ê 監測站 mā 會使 記錄 生物多樣性 ê 下降.

Khong-khì phín-chit kòe-lī-khì ì-gōa siu-chi̍p ê khong-khì tiong ê DNA hián-sī chhut bu̍t-chióng ê chōng-hóng -- Sin gián-kiù hián-sī, kiám-chhek u-jiám ê kàm-chhek-chām mā ē-sái kì-lo̍k seng-bu̍t to-iūⁿ-sèng ê hā-kàng.

根據一篇 新 ê 科學論文, ùi 貓頭鳥 kàu 刺豬 koh kàu 菌類, 來自 植物 hām 動物 ê 遺傳 物質 hō͘ 世界 各地 ê 空氣品質 監測站 無意中記錄 落來, 成做一个 猶未開發 ê "生物 多樣性 ê 資料庫."

Kin-kì chi̍t-phiⁿ sin ê kho-ha̍k lūn-bûn, ùi niau-thâu-chiáu kàu chhì-ti koh kàu khún-lūi, lâi-chū si̍t-bu̍t hām tōng-bu̍t ê ûi-thoân bu̍t-chit hō͘ sè-kài kok-tē ê khong-khì phín-chit kàm-chhek-chām bô-ì-tiong kì-lo̍k lo̍h-lâi, chiâⁿ-chò chi̍t-ê iáu-bōe khai-hoat ê "seng-bu̍t to-iūⁿ-sèng ê chu-liāu-khò͘."

全球 te̍k, 千千萬萬 ê 空氣 過濾器 無停 teh 檢驗 大氣內面 ê 重金屬 hām 其他 汙染物. 科學家 今 mā 發覺, 這个 監測網 mā ùi 毛髮, 羽毛, 喙瀾, hām 花粉 ê 屑仔 中間 收集 tio̍h 看袂著 ê 遺傳物質 痕跡, 也 tō 是 空氣中 ê 環境 DNA (eDNA). 

Choân-kiû te̍k, chheng-chheng bān-bān ê khong-khì kòe-lī-khì bô-thêng teh kiám-giām tāi-khì lāi-bīn ê tāng kim-sio̍k hām kî-thaⁿ u-jiám-mi̍h. Kho-ha̍k ka taⁿ mā hoat-kak, chit-ê kàm-chhek bāng mā ùi mo͘-hoat, ú-mo͘, chhùi-nōa, hām hoe-hún ê sap-á tiong-kan siu-chi̍p tio̍h khòaⁿ-bē-tio̍h ê ûi-thoân bu̍t-chit hûn-jiah, iā tō-sī khong-khì tiong ê  khoân-kéng DNA (eDNA). 

Ùi 英國兩个 空氣品質站 (一个 tī London 公園, 另个 tī  Edinburgh 郊外) 檢驗 ê eDNA 顯示出 超過 180 種 ê 菌類, 蟲豸, 哺乳類, 鳥類, hām 兩棲類, 包括 iû-chhí (鼬鼠), 睏鼠, 小貓頭鳥, 刺豬 hām êng-goân (蠑螈). Mā收集有 植物 ê eDNA, 包括 si-chháu (蓍草), 雛菊, 咬人貓, 麥仔, 大豆 hām 包心菜.

Ùi Eng-kok nn̄g-ê khong-khì phín-chit chām (chi̍t-ê tī London kong-hn̂g, lēng-ê tī  Edinburgh kau-gōa) kiám-giām ê eDNA hián-sī chhut chhiau-kòe 180 chióng ê khùn-lūi, thâng-thōa, pō͘-jú-lūi, chiáu-lūi, hām lióng-chhe-lūi, pau-koat iû-chhí (鼬鼠), khùn-chhí, sió niau-thâu-chiáu, chhì-ti hām êng-goân (蠑螈). Mā siu-chi̍p ū si̍t-bu̍t ê eDNA, pau-koat si-chháu (蓍草), chhu-kiok, kā-lâng-niau, be̍h-á, tōa-tāu hām pau-sim-chhài.

--

https://www.theguardian.com/environment/2023/jun/05/airborne-dna-accidentally-collected-by-air-quality-filters-reveals-state-of-species

塑膠石頭 | Sok-ka Chio̍h-thâu

2014-6-10 London, Ontario (UPI) -- 最近 tī Hawaii 海沙埔發現 ê 一塊部份是塑膠 ê 石頭, 引起科學家思考, 塑膠 tī 濟濟年以後 ê 地質記錄會搬啥款角色. 

自 20 世紀中期以來, 已經生產超過 60 億噸 ê 塑膠, koh 挕捒予大自然. 雖罔其中大部份提去填塗 a̍h 回收, 袂少猶是穢 tī 自然世界.彼其中一寡塑膠家己揣路進入岩層, 最近 tī Hawaii ê Big 島 tō 發現這種情形.

--

2014-6-10 Ontario, London (UPI) -- Chòe-kīn tī Hawaii hái-soa-po͘ hoat-hiān ê chi̍t-tè pō͘-hūn sī sok-ka ê chio̍h-thâu, ín-khí kho-ha̍k-ka su-khó, sok-ka tī chē-chē nî í-āu ê tē-chit kì-lo̍k ē poaⁿ siáⁿ-khoán kak-sek. 

Chū 20 sè-kí tiong-kî í-lâi, í-keng seng-sán chhiau-kòe 60 ek tòng ê sok-ka, koh hìⁿ-sak hō͘ tōa-chū-jiân. Sui-bóng kî-tiong tōa pō͘-hūn the̍h khì thiām-thô͘ a̍h hôe-siu, bē-chió iáu-sī òe tī chū-jiân sè-kài. Hit kî-tiong chi̍t-kóa sok-ka ka-tī chhōe-lō͘ chìn-ji̍p giâm-chân, chòe-kīn tī Hawaii ê Big Tó tō hoat-hiān chit-chióng chêng-hêng.

--

https://www.upi.com/Science_News/2014/06/10/Plastic-rocks-could-be-tomorrows-fossils/4151402408313/

修道士到死 m̄-bat 看過真 ê 查某人

Mihailo Toloto - 82 歲修道士到死 m̄-bat 看過真 ê 查某人

Mihailo Toloto - 82-hòe siu-tō-sū kàu sí m̄-bat khòaⁿ kòe chin ê cha-bó͘-lâng

--

Mihailo Toloto 出世 tī 1856 年, 伊來到世界隨 tō 拄著逆境. In 老母 tī 伊出世 4 點鐘了後死去, koh 無老爸來相認, 伊 tō hông 挕捒 tī [希臘] Orthodox 修道院中心 Mount Atos ê 路坎頂. 有修道士收留伊, 修道院 tō 成做 in 兜. Mihailo tī 這个有圍牆 ê 修道院大漢, 受教育, 成做修道士, 聽講到伊死, 1938 年, m̄-bat 離開這座山. 因為 Mount Atos 毋准查某踏跤到, 致使 Mihailo Toloto 到死 m̄-bat 看過任何查某人.

Mihailo Toloto chhut-sì tī 1856 nî, chū lâi-kàu sè-kài sûi-tō tú-tio̍h ge̍k-kéng. In lāu-bú tī i chhut-sì 4 tiám-cheng liáu-āu sí-khì, koh bô lāu-pē lâi sio-jīn, i tō hông hìⁿ-sak tī [Hi-lia̍p] Orthodox siu-tō-īⁿ tiong-sim Mount Atos ê lō͘-khám téng. Ū siu-tō-sū siu-liû i, siu-tō-īⁿ tō chiâⁿ-chò in tau. Mihailo tī chit-ê ū ûi-chhiûⁿ ê siu-tō-īⁿ tōa-hàn, siū kàu-io̍k, chiâⁿ-chò siu-tō-sū, thiaⁿ-kóng kàu i sí, 1938-nî, m̄-bat lī-khui chit-chō soaⁿ. In-ūi Mount Atos m̄-chún cha-bó͘ ta̍h-kha-kàu, tì-sú Mihailo Toloto kàu-sí m̄-bat khòaⁿ-kòe jīm-hô cha-bó͘-lâng.

--

https://www.odditycentral.com/news/mihailo-toloto-the-82-year-old-monk-who-died-without-ever-seeing-a-real-woman.html