ùi 月球看地球

Ùi Goe̍h-kiû an-chēng ê piáu-bīn khòaⁿ, Tē-kiû ká-ná chi̍t-lia̍p bêng-liāng, chū-sin teh tńg ê kiû. In-ūi siū-tio̍h tiâu-se̍k ê só-tiāⁿ, i cpt* sī it-ti̍t kò͘-tēng tī thiⁿ-téng kāng só͘-chāi, só͘-tì lán ē-tit koan-chhat tāi-khì tōng-le̍k-ha̍k, hûn-chân ê ūn-tōng, í-ki̍p kiâⁿ-chheⁿ ê choán-tāng. [* cpt = chha-put-to]

-

Ùi 月球安靜 ê 表面看, 地球 ká-ná 一粒明亮, 自身 teh 轉 ê 球. 因為受著潮汐 ê 鎖定, 伊 cpt* 是一直固定 tī 天頂仝所在, 所致咱會得觀察大氣動力學, 雲層 ê 運動, 以及行星 ê 轉動. [* cpt = 差不多]

-

Earth Seen from the Moon

From the Moon, Earth appears as a bright blue world rising above the dark horizon. This view shows how small and fragile our home looks from another world.

https://www.facebook.com/watch/?ref=saved&v=26108128812203355

Chheng-bêng | 清明

Chheng-bêng sî-chūn hō͘ bô làng,

Lō͘-téng ê lâng ba̍k-kho͘ âng,

Chioh-mn̄g chíu-tiàm tó-ūi ū?

Khòaⁿ-gűa kí hiòng thô-hoe hāng.

-

清明時陣雨無閬,

路頂 ê 人目箍紅,

借問酒店佗位有?

看牛仔指向桃花巷.

Olympic 花趨選手 Alysa Liu 靠實力贏

Alysa Liu ūi ka-tī ê hoe-chhu iâⁿ Olympic kim-pâi. Yi mā ūi ka-tī ê hong-keh iâⁿ chi̍t-tè 

Olympic hoe-chhu soán-chhiú Alysa Liu khò si̍t-le̍k iâⁿ.

“Góa kám-kak chin hó, góa ū sìn-sim, góa piàⁿ choân-la̍t chhut-khì,” 20 hòe ê yi sài-āu án-ne kóng; yi tī pài-4 ūi Bí-kok iâⁿ-tio̍h chū 2002 nî í-lâi tī Tang-thiⁿ Olympic lú-chú chū-iû chhu-peng hāng-bo̍k ê tē-1 tè kim-pâi.

Tān tī tit-tio̍h koan-kun chêng, Liu í-keng hō͘ ka-tī tì chi̍t-téng lūi-sū ê thâu-koan, setto chi̍t-thâu bê-lâng ê, kiò-chò “halo hair  (kng-khoân thâu-chang)” ê thâu-chang hêng, chheng-chhó hián-sī yi boeh chiūⁿ pan-chióng-tâi ê koat-sim.

--

Alysa Liu ūi ka-tī ê 花趨 贏 Olympic 金牌. 她 mā ūi ka-tī ê 風格 贏 一塊 

Olympic 花趨 選手 Alysa Liu 靠實力 贏.

“我感覺真好, 我有信心, 我拚全力 出去,” 20 歲 ê 她 賽後 án-ne 講; 她 tī pài-4 ūi 美國 贏著 自 2002 年以來 tī 冬天 Olympic 女子自由趨冰 項目 ê tē-1 塊 金牌.

但 tī 得著冠軍 前, Liu 已經 hō͘ ka-tī 戴一頂 類似 ê 頭冠, setto 一頭 迷人 ê, 叫做 “halo hair  (光環頭鬃)” ê 頭鬃型, 清楚顯示 她欲 上 頒獎台 ê 決心.

--

Alysa Liu just won Olympic gold for her figure skating. She wins one for her style too.

Olympic figure skater Alysa Liu has earned her stripes.

“I feel good, I feel confident and I put it all out there,” the 20-year-old said Thursday after winning America’s first gold medal in the Winter Olympics’ women’s free skating event since 2002.

But before becoming a champion, Liu had already given herself a crown of sorts, sporting a captivating hairstyle known as “halo hair” to make her podium intentions clear. 

https://cnn.it/4u4LE3R

Japan 趨冰選手 Miura Riku kap Kihara Ryuichi 創造歷史

Japan chhu-peng soán-chhiú Miura Riku kap Kihara Ryuichi chhòng-chō le̍k-sú, ūi Japan iâⁿ-tio̍h tē-1 tè Olympic phòe-tùi hoe-iūⁿ chhu-peng kim-pâi.

Tī té-khek chhu, in-ūi giâm-tiōng sit-gō͘, tì-sú pâi-miâ tē-5, che hō͘ siang-lâng sim-chêng tūi-lo̍h ke̍k-tōa ê choa̍t-bōng.

Khihara Ryuichi sêng-jīn kóng, tī chòe-āu ê chū-iû chhu chìn-chêng, i khàu kúi-nā tiám-cheng, sīm-chì kiông-boeh hòng-khì hi-bāng.

Chit-sî, tah-phōaⁿ Miura Riku taⁿ-khí tiong-thiāu ê kak-sek, hō͘ i ū koh-chiàn ê sim-lí chi-chhî.

Sûi-āu, siang-lâng kō͘ tiān-iáⁿ Gladiator im-ga̍k, chò-chhut oân-bí ê ián-chhut, hō͘ choân-tiûⁿ tōax kiaⁿ-thàn.

In tit-tio̍h chū-iû chhu 158.13 hun ê sè-kài kì-lo̍k, ti̍t-chiap ùi tē-5 thiàu-kàu tē-1 miâ.

Chit-ê sèng-lī siá-chhut in ê sè-kài koan-kun kò͘-sū, keng-le̍k to-nî ê kò-jîn sit-pāi í-ki̍p chit-ê hāng-bo̍k ê choân-kok tek léng-tām. 

In ùi sit-pāi lím-kîⁿ kiâⁿ-hiòng Olympic kim-pâi ê lō͘-têng, chēx fans kóng he sī “chin-lâng pán ê anime kò͘-sū.”

--

Japan 趨冰選手 Miura Riku kap Kihara Ryuichi 創造歷史, ūi Japan 贏著 tē-1 塊 Olympic 配對 花樣趨冰 金牌.

Tī 短曲趨, 因為 嚴重失誤, 致使 排名 tē-5, che hō͘ 雙人心情 墜落 極大 ê 絕望.

Khihara Ryuichi 承認講, tī 最後 ê 自由趨 進前, 伊哭 kúi-nā 點鐘, 甚至 強欲 放棄希望.

這時, 搭伴 Miura Riku 擔起 中柱 ê 角色, hō͘ 伊 有 koh 戰 ê 心理支持.

隨後, 雙人 kō͘ 電影 Gladiator 音樂, 做出 完美 ê 演出, hō͘ 全場 tōax 驚嘆.

In 得著 自由趨 158.13 分 ê 世界記錄, 直接 ùi tē-5 跳到 tē-1 名.

這个勝利 寫出 in ê 世界冠軍 故事, 經歷 多年 ê 個人失敗 以及 這个項目 ê 全國 tek 冷淡. 

In ùi 失敗 lím-kîⁿ 行向 Olympic 金牌 ê 路程, chēx fans 講 he 是 “真人版 ê anime 故事.”

--

Japanese skaters Riku Miura and Ryuichi Kihara have made history by winning the first Olympic gold medal for Japan in pairs figure skating.

After a devastating mistake in the short program left them in fifth place, the duo faced immense emotional despair

Ryuichi Kihara admitted to crying for hours and nearly losing hope before the final free skate competition began.

His partner Riku Miura stepped up as a pillar of strength to provide the mental support needed for their comeback.

The pair delivered a flawless performance to music from the movie Gladiator that left the entire arena in awe.

They achieved a world record free skate score of 158.13 to vault from fifth place all the way to first.

This victory cements their legacy as world champions who overcame years of personal setbacks and a lack of national interest.

Their journey from the brink of failure to Olympic gold has been described by fans as a real-life anime story.

https://www.facebook.com/share/v/14bV2GR19ZP/

93 歲 Australia 查埔人做老爸

Australia lâi ê sîn-kî kò͘-sū!

Chi̍t-ê 93 hòe Australia cha-po͘ lâng, Dr John Levin, chò lāu-pē loh! I kap 37 hòe khan-chhiú Dr Yanying Lu tī Melbourne gêng-chiap in hāu-seⁿ Gabby.

Dr Levin sī choan-kong khòng-lāu i-ha̍k ê choân-châi i-su, i jīn-ûi ka-tī ê kiān-khong kap tn̂g hòe-siū sī in-ūi chū-lu̍t ê seng-oa̍h, pau-koat kui-lu̍t tek ūn-tōng, chia̍h-sò͘, kan-hioh tek tn̄g-si̍t, í-ki̍p tn̂g 30 nî ê jîn-lūi seng-tióng hormone tī-liâu. I kàu-taⁿ iáu ta̍k lé-pài kang-chok 5 kang, mā li̍p-chì oa̍h koh-khah kú, boeh khòaⁿ kiáⁿ tōa-hàn.

Chit-tùi ang-bó͘ tī 2014 nî thàu-kòe Hôa-gí khò-têng se̍k-sāi, tī e̍k-chêng lockdown kî-kan, thàu-kòe po-lê-kóng siū-īn (IVF) ki-su̍t, ǹg-bāng boeh ū gín-á. In ti̍t-bīn chiap-siū chit-chióng bô pêng-siông ê ka-têng seng-oa̍h, choân-sim tui-kiû hēng-hok, bô iàu-ì siā-hōe ê khòaⁿ-hoat.

Australia chòe-lāu ê chhài-chiáu lāu-pē chèng-bêng chi̍t-hāng tāi-chì: tui-kiû sin ê khai-sí, éng-oán to bē siuⁿ bān!

--

Australia 來 ê 神奇故事!

一个 93 歲 Australia 查埔人, Dr John Levin, 做 老爸 loh! 伊 kap 37歲 牽手 Dr Yanying Lu tī Melbourne 迎接 in 後生 Gabby.

Dr Levin 是 專攻 抗老醫學 ê 全才醫師, 伊 認為 ka-tī ê 健康 kap 長歲壽 是 因為 自律 ê 生活, 包括 規律 tek 運動, 食素, 間歇 tek 斷食, 以及 長 30 年 ê 人類 生長 hormone 治療. 伊 到今猶 逐禮拜 工作 5 工, mā 立志 活 koh-khah 久, 欲 看囝 大漢.

這對翁某 tī 2014年 透過 華語課程 熟似, tī 疫情 lockdown 期間, 透過 玻璃管受孕 (IVF) 技術, ǹg-bāng 欲 有囡仔. In 直面接受 這種 無平常 ê 家庭生活, 全心 追求幸福, 無要意 社會 ê 看法.

Australia 最老 ê 菜鳥老爸 證明 一項代誌: 追求 新 ê 開始, 永遠 to 袂 siuⁿ 慢!

--

💙 Incredible story from down under! 💙

An Australian man, Dr. John Levin, just became a father at 93 years old. He and his 37-year-old wife, Dr. Yanying Lu, welcomed their son Gabby in Melbourne. 🍼✨

Dr. Levin, a general practitioner specializing in anti-aging medicine, credits his health and longevity to a disciplined lifestyle, including regular exercise, a vegetarian diet, intermittent fasting, and 30 years of human growth hormone therapy. He continues to work five days a week and aims to live long enough to see Gabby grow up.

The couple met through Mandarin lessons in 2014 and pursued parenthood via IVF during lockdowns. They embrace their unconventional family life and focus on happiness rather than societal judgment.

Australia’s oldest new dad proves it’s never too late for new beginnings! 👶💪

https://www.facebook.com/photo/?fbid=1287009413471073&set=a.486810330157656

--

László Krasznahorkai 風格 ê 例

Lâi phín-bī László Krasznahorkai ê Satantango ê chi̍t-ê ba̍t koh cha̍t, tn̂g koh tîⁿ ê lē-kù ê hong-keh:

Tī ânx ê tiām-chēng ni̍h he bô-thêng ê bé hô͘-sîn ê zz-zz sī ûi-it thiaⁿ ē-tio̍h ê siaⁿ, koh-ū tī hn̄gx só͘-chāi ê hō͘ it-ti̍t phah-lo̍h, iáu koh-ū, chit nn̄g-hāng í-gōa, gōa-kháu he oan-khiau siuⁿ-si-á put-sî sio-e sio-kheh ê siaⁿ, ... seng-tióng kap soe-pāi kiâⁿ sûi-lâng ê lō͘; it-chhè chiah-ê kúi-chheng kúi-pah ê hôe-siaⁿ chiat-chàu, chit-chióng àm-mê cha̍p-im ê hūn-loān kau-chhap, hián-jiân sio̍k tī kāng káng siaⁿ-lâu tiong ê só͘-ū pō͘-hūn, he sī chhì boeh bē-kì tit choa̍t-bōng; sui-bóng mi̍h-kiāⁿ āu-bīn chhut-hiān kî-thaⁿ mi̍h-kiāⁿ bē-su teh chok-koài, tān it-tàn chhiau-kòe gán-la̍t in tō sòaⁿ-khì bô kòa chò-hóe. ... Só͘-í mn̂g ká-ná éng-oán to khuix, he só chiong éng-oán to bē khui. Ū chi̍t-ê chhim-kheng, chi̍t-ê liah-phāng.

--

來品味 László Krasznahorkai ê Satantango ê 一个 密 koh 實, 長 koh 纏 ê 例句 ê 風格:

Tī 絚々 ê 恬靜 ni̍h he 無停 ê 馬胡蠅 ê zz-zz 是唯一 聽會著 ê 聲, koh 有 tī 遠々 所在 ê 雨 一直 拍落, 猶 koh 有, 這兩項以外, 外口 he 彎曲 相思仔 不時 相挨 相 kheh ê 聲, ... 生長 kap 衰敗 行 隨人 ê 路; 一切 chiah-ê 幾千幾百 ê 回聲節奏, 這種 暗暝雜音 ê 混亂交插, 顯然 屬 tī 仝港聲流中 ê 所有部份, he 是試欲 袂記得 絕望; 雖罔 物件後面 出現其他物件 袂輸 teh 作怪, 但一旦 超過眼力 in tō 散去 無掛做伙. ... 所以 門 ká-ná 永遠 to 開々, he 鎖 將永遠 to 袂開. 有一个深坑, 一个裂縫.

--

A short quotation from Satantango by László Krasznahorkai as an example of his style:

“In the tense silence the continual buzzing of the horseflies was the only audible sound, that and the constant rain beating down in the distance, and, uniting the two, the ever more frequent scritch-scratch of the bent acacia trees outside, … growth and decay on their divergent paths; all these thousands of echoing rhythms, this confusing clatter of night noises, all parts of an apparently common stream, that is the attempt to forget despair; though behind things other things appear as if by mischief, and once beyond the power of the eye they don't hang together. … So with the door left open as if forever, with the lock that will never open. There is a chasm, a crevice.” 

--

紹介 László Krasznahorkai: 今年 Nobel 文學賞 得賞者

Siāu-kài László Krasznahorkai: Kin-nî Nobel Bûn-ha̍k Siúⁿ Tit-siúⁿ chiá

László Krasznahorkai /las.lo kra.sna.hór.kai/ (1954 seⁿ) sī Hungaria sió-soat ka, kio̍k-pún chok-ka, chhut-miâ tī i he ba̍t chiuhx, tiat-ha̍k tek, kap chhiong-móa boa̍t-sè kám ê biô-siá hong-keh. I ê sêng-miâ chok “Satantango” (Ok-mô͘ ê Tango, 1985) biô-siá chi̍t-ê soe-pāi ê chng-kha ha̍p-chok lông-tiûⁿ, āu-lâi hō͘ tō-ián Béla Tarr kā phah chò tiān-iáⁿ.

I ê tiōng-iàu chok-phín iáu-ū: The Melancholy of Resistance (Té-khòng ê Ut-chut), Baron Wenckheim’s Homecoming (Wenckheim Lâm-chiok ê Tńg-lâi), War and War (Chiàn-cheng kap Chiàn-cheng), í-ki̍p Seiobo There Below (Seiobo tī Ē-bīn).

Krasznahorkai ê hong-keh sī tn̂g koh tîⁿ ê ōe-kù, ke̍k chió piau-tiám, thong-phiⁿ chhiong-móa tō-tek tek ê cho-sim peh-pak.

2025 nî, i tit-tio̍h Nobel Bûn-ha̍k Siúⁿ, in-ūi “tī boa̍t-sè ê khióng-pò͘ tang-tiong, i he ū-la̍t koh ū gán-kong ê choân-pō͘ chok-phín, koh chi̍t-pái khak-jīn gē-su̍t ê le̍k-liōng.” Sweden Ha̍k-īⁿ (Swedish Academy) o-ló i bīn-tùi siā-hōe ê soe-lo̍h kap phò-chhùi, sīm-chì tī chhe-liâng tang-tiong, iû-goân ânx lia̍h-tio̍h bûn-jī ê súi. 

--

紹介 László Krasznahorkai: 今年 Nobel 文學賞 得賞者

László Krasznahorkai /las.lo kra.sna.hór.kai/ (1954 生) 是 Hungaria 小說家, 劇本作家, 出名 tī 伊 he ba̍t chiuhx, 哲學 tek, kap 充滿 末世感 ê 描寫風格. 伊 ê 成名作 “Satantango” (惡魔 ê Tango, 1985) 描寫 一个衰敗 ê 庄跤 合作農場, 後來 hō͘ 導演 Béla Tarr kā 拍做 電影.

伊 ê 重要作品 猶有: The Melancholy of Resistance (抵抗 ê 鬱卒), Baron Wenckheim’s Homecoming (Wenckheim 男爵 ê 轉來), War and War (戰爭 kap 戰爭), 以及 Seiobo There Below (Seiobo tī 下面).

Krasznahorkai ê 風格 是 長 koh 纏 ê 話句, 極少標點, 通篇充滿 道德 tek ê 慒心 peh 腹.

2025 年, 伊 得著 Nobel 文學賞, 因為 “tī 末世 ê 恐怖當中, 伊 he 有力 koh 有眼光 ê 全部作品, koh 一擺 確認 藝術 ê 力量.” Sweden 學院 (Swedish Academy) o-ló 伊面對 社會 ê 衰落 kap 破碎, 甚至 tī 淒涼當中, 猶原 ânx 掠著 文字 ê 媠.

--

László Krasznahorkai (born 1954) is a Hungarian novelist and screenwriter, known for his dense, philosophical prose and apocalyptic vision of the modern world. His breakout novel Satantango (1985) portrays a decaying rural collective farm and has been adapted into a film by Béla Tarr. Other major works include The Melancholy of Resistance, Baron Wenckheim’s Homecoming, War and War, and Seiobo There Below. Krasznahorkai’s style features long, often looping sentences, minimal punctuation, and a relentless atmosphere of moral anxiety. In 2025, he was awarded the Nobel Prize in Literature “for his compelling and visionary oeuvre that, in the midst of apocalyptic terror, reaffirms the power of art.” The Swedish Academy praised how his writing confronts social fragility while holding onto beauty, even in bleakness.

--

https://encrypted-tbn0.gstatic.com/images?q=tbn:ANd9GcTi6Spl0uisP1Kw0yJcAcpA5UeMn1Cp8u--Yw&s