國際新聞英翻台 2020-05-24
足英台三聲道磅米芳
後禮拜國際新聞英翻台ê影片，初步譯稿，請各位先進指教。
英語新聞A橛：
Arizona Governor (Doug Ducey) today announced that following a national search, Taiwan Semiconductor Manufacturing Company (TSMC) has selected Arizona for its new U.S. advanced semiconductor factory. The project will create over 1,600 new high-tech jobs and generate thousands of additional jobs in the state for other companies within the semiconductor industry. TSMC’s total spending on this project, including capital expenditure, will be approximately $12 billion from 2021 to 2029.
[POJ] Arizona /a.li.jó.nà/ Chiu-tiúⁿ (Doug Ducey /tak tú.si/) kin-á-ji̍t soan-pò͘ kóng, keng-kòe choân-kok ê cháu-chhōe, Tâi-oân Chek-thé Tiān-lō͘ Chè-chō Kong-si (Tâi-Chek-Tiān) kéng tio̍h Arizona, boeh tī chia khí-chō in tī Bí-kok ê sin ê sian-chìn pòaⁿ-tō-thé kang-chhiáng. Chit ê kè-ō͘ chiong chhòng-chō chhiau-kòe 1,600 ê sin ê ko-kho-ki ê thâu-lō͘, pēng-chhiáⁿ tài-tōng chiu lāi pòaⁿ-tō-thé sán-gia̍p ê kî-thaⁿ kong-si cheng-ka kúi-ā chheng ê thâu-lō͘. Tâi-Chek-Tiān tī chit ê kè-ōe ê khai-siau, pau-hâm chu-sán chi-chhut, ùi 2021 kàu 2029 nî liōng-iok chiong sī Bí-kim 120 ek.
[漢 Lô] Arizona /a.li.jó.nà/ 州長 (Doug Ducey /tak tú.si/) 今仔日宣布講, 經過全國 ê 走揣, 台灣積體電路製造公司 (台積電) 揀著 Arizona, 欲 tī 遮起造 in tī 美國 ê 新 ê 先進半導體工廠. 這个計畫將創造超過 1,600 个新 ê 高科技 ê 頭路, 並且帶動州內半導體產業 ê 其他公司增加幾若千个頭路. 台積電 tī 這个計畫 ê 開銷, 包含資產支出, ùi 2021 到 2029 年量約將是美金 120 億.
台譯A [磅米芳原譯]：
A-li-zó͘-nah 州長今仔日宣佈，全國揣透透了後台灣積體電路製造公司(台積電)揀著A-li-zó͘-nah，欲來起in佇美國上新上進步ê半導體工場。 Chit个計畫會創造1600个高科技ê頭路；另外閣會帶動州內其他半導體產業ê公司mā加出幾落千个頭路。Chit个計畫台積電攏總khai偌濟咧？不動產ê開銷算在內，量其約是美金120億，自2021 khai甲2029。
註A1：咱台語羅馬字攏無用Z，毋過「ZO͘」咱攏會曉唸，寫「A-LI-ZÓ͘-NAH」敢好勢？
註A2：我KĀ「資本支出」敨做「不動產Ê開銷」，希望民眾聽較有。
註A3：JOB = 頭路；VACCANCY = KHOEH；JOB OPPORTUNITY = 工作機會。目前我是按呢咧翻。
英語新聞B橛：
A large number of wallabies have escaped in several locations across the Netherlands. The marsupials, originally from Australia, were kept primarily in private enclosures and petting zoos. Many of the escaped animals were reported to be roaming around villages where they have been seen grazing on vegetation. "In principle, a wallaby can live in the Netherlands, it depends on the season. Only the traffic is very risky and we are concerned, if you hit one it would do a lot of damage to your car," a spokesperson from a local animal protection group explained.
[POJ] Netherlands /Ne.thér.làn/ choân-kok ū kúi-ā ê só͘-chāi í-keng ū chē-chē sió tē-á-chhí (wallaby) tô-cháu chhut-lâi. Chit chióng lâi-chū Ò-chiu ê tē-á-lūi tōng-bu̍t, chú-iàu sī chhī tī su-jîn ê ûi-lî nih a̍h-sī khó-ài-tōng-bu̍t hn̂g-khu nih. Ū pò-tō kóng, chē-chē chiah-ê tô-cháu ê tōng-bu̍t tī chng-kha lōa-lōa-sô, hông khòaⁿ tio̍h in tī hia chia̍h chhenn-hio̍h. "Goân-chek-siōng, sió tē-á-chhí ē-tàng seng-oa̍h tī Netherlands, che mā tio̍h khòaⁿ cheh-khì. M̄-koh kau-thong chiâⁿ hûi-hiám, che hō͘ goán ē hoân-ló, lí nā lòng tio̍h chi̍t chiah, lí ê chhia tiāⁿ-tio̍h ū tōa-tōa ê sún-hāi." chāi-tē tōng-bu̍t pó-hō͘ thoân-thé ê chi̍t ê hoat-giân-jîn án-ne kóng.
[漢 Lô] Netherlands /Ne.thér.làn/ 全國有幾若 ê 所在已經有濟濟小袋仔鼠 (wallaby) 逃走出來. 這種來自澳洲 ê 袋仔類動物, 主要是飼 tī 私人 ê 圍籬 nih 抑是可愛動物園區 nih. 有報導講, 濟濟 chiah-ê 逃走 ê 動物 tī 庄跤賴賴趖, hông 看著 in tī 遐食青葉. "原則上, 小袋仔鼠會當生活 tī Netherlands, 這 mā 著看節氣. M̄-koh 交通誠危險, 這予阮會煩惱, 你若挵著一隻, 你 ê 車定著有大大 ê 損害." 在地動物保護團體 ê 一个發言人 án-ne 講.
台譯B [磅米芳原譯]：
荷蘭全國幾若位攏有「袋鼠舅仔」閬港出來，算算咧是足濟隻。Chit款對澳洲來ê「ū-tē-á類」主要是飼佇私人ê牆圍仔內，無就是做生理ê可愛動物區內底。Chit寡走出來ê，講有蓋濟隻佇庄頭四箍輾轉咧賴賴趖予人看著咧食草、食樹葉仔。照講，袋鼠舅仔pàng佇荷蘭是會活啦，毋過嘛著看節季。干焦一項予人煩惱，就是交通誠危險。你若挵著一隻，對你ê車是誠有損害喔！在地動物保護組織ê一个發言人是按呢講啦。
註B1：WALLABY翻做「袋鼠舅仔」敢好勢？抑是照唸ÓA-LO̍H-BIH？
註B2：「有袋類」唸做Ū-TĒ-Á-LŪI較好，抑是IÚ-TĀI-LŪI？
註B3：PETTING ZOO敢有閣較媠Ê翻譯？
