新頭機予視覺障礙球迷看 Wimbledon 網球比賽
Sin thâu-ki hō͘ sī-kak chiòng-gāi kiû-bê khòaⁿ Wimbledon bāng-kiû pí-sài
Emine Sinmaz, 2023-7-13
Rosie Pybus bat 幾若擺去 Wimbledon, 今年第一擺看著網球比賽, 佳哉有視障者頭機. 她講起試用這種創新機仔時 ê "激動心情," he 予她會得 tī 看台看現場比賽.
Rosie Pybus bat kúi-ā pái khì Wimbledon, kin-nî tē-it pái khòaⁿ-tio̍h bāng-kiû pí-sài, ka-chài ū sī-chiòng-chiá thâu-ki. Yi kóng-khí chhì-iōng chit-chióng chhòng-sin ki-á sî ê "kek-tōng sim-chêng," he hō͘ yi ē-tit tī khòaⁿ-tâi khòaⁿ hiān-tiûⁿ pí-sài.
視障網球迷 tī SW19 球場試用這種頭機, he kō͘ kamera kā 影像投射到用者 ê 視線內. 用者會使 kō͘ 遙控器調整影像.
Sī-chiòng bāng-kiû-bê tī SW19 kiû-tiûⁿ chhì-iōng chit-chióng thâu-ki, he kō͘ kamera kā iáⁿ-siōng tâu-siā kàu iōng-chiá ê sī-sòaⁿ lāi. Iōng-chiá ē-sái kō͘ iâu-khòng-khì tiâu-chéng iáⁿ-siōng.
這種頭機由 GiveVision 公司開發, 連結 Vodafone 5G, 伊 mā 會使 ùi TV kamera 接收現場畫面, 根據用者 ê 視力來增加效果.
Chit-chióng thâu-ki iû GiveVision kong-si khai-hoat, liân-kiat Vodafone 5G, i mā ē-sái ùi TV kamera chiap-siu hiān-tiûⁿ ōe-bīn, kin-kì iōng-chiá ê sī-le̍k lâi cheng-ka hāu-kó.
講到她 tī Center Court 球場試用這个頭機看 Andy Murray 拍敗平平英國仔 ê 對手 Ryan Peniston 彼時, Pybus 講: "這是這世人我第一擺看 kah chiah 清楚."
Kóng-kàu yi tī Center Court kiû-tiûⁿ chhì-iōng chit-ê thâu-ki khòaⁿ Andy Murray phah-pāi pêⁿ-pêⁿ Eng-kok-á ê tùi-chhiú Ryan Peniston hit-sî, Pybus kóng: "Che sī chit sì-lâng góa tē-it pái khòaⁿ kah chiah chheng-chhó."
https://www.theguardian.com/society/2023/jul/13/wimbledon-headsets-trialled-visually-impaired-fans
No comments:
Post a Comment