Elon Musk 講, Twitter 欲改 logo, kō͘ X 換鳥仔
Elon Musk kóng, Twitter boeh kái logo, kō͘ X ōaⁿ chiáu-á
Joanna Partridge and Dan Milmo, 2023-7-23, Guardian
Elon Musk 禮拜日 (23) 宣佈, Twitter ê 新 logo X 得欲上線, 替換原來彼隻鳥仔, 進入伊領導 ê 這个社交媒體上新一輪 ê 有爭議 ê 調整.
Elon Musk lé-pài-ji̍t (23) soan-pò͘, Twitter ê sin logo X tit-boeh chiūⁿ-sòaⁿ, thè-ōaⁿ goân-lâi hit-chiah chiáu-á, chìn-ji̍p i léng-tō ê chit-ê siā-kau mûi-thé siōng-sin chi̍t-lûn ê ū cheng-gī ê tiâu-chéng.
"X.com 今已經自動連到 twitter.com," Tesla 執行長 tī 禮拜日下晡 tweet*, "臨時 ê X logo 今仔日較晏 tō 會上線." [* tweet = 貼帖仔 tī Twitter]
"X.com taⁿ í-keng chū-tōng liân kàu twitter.com," Tesla chip-hêng-tiúⁿ tī lé-pài-ji̍t ē-po͘ tweet*, "Lîm-sî ê X logo kin-á-ji̍t khah òaⁿ tō ē chiūⁿ-sòaⁿ." [* tweet = tah thiap-á tī Twitter]
Musk, 舊年 10 月 kō͘ 440 億美金買彼个網站, tī 禮拜日透早 tweet, 若有適合 ê 設計, 伊拍算上早 tī 拜一 tō 用 "X" logo 替換彼个藍色鳥仔身影.
Musk, kū-nî 10-goe̍h kō͘ 440 ek bí-kim bé hit-ê bāng-chām, tī lé-pài-ji̍t thàu-chá tweet, nā ū sek-ha̍p ê siat-kè, i phah-sǹg siōng-chá tī pài-it tō iōng "X" logo thè-ōaⁿ hit-ê nâ-sek chiáu-á sin-iáⁿ.
Musk tī 今年 4 月 kā 公司名正式改做 X Holdings Corp, 跟隨伊早期創業 ê 公司 X.com, 反射出伊創建 "X 萬物 app" ê 願景, hō͘ he 會得執行社交媒體 kap 支付功能, 類似 China ê WeChat.
Musk tī kin-nî 4-goe̍h kā kong-si miâ chèng-sek kái chò X Holdings Corp, kin-sûi i chá-kî chhòng-gia̍p ê kong-si X.com, hoán-siā chhut i chhòng-kiàn "X bān-mi̍h app" ê goān-kéng, hō͘ he ē-tit chip-hêng sia-kau mûi-thé kap chi-hù kong-lêng, lūi-sū China ê WeChat.
No comments:
Post a Comment