綴這个突破 tek 發現, 科學家 mā 可能真緊 tō 會當逆轉老化
Tòe chit-ê tu̍t-phòa-tek hoat-hiān, kho-ha̍k-ka mā khó-lêng chin kín tō ē-tàng ge̍k-choán lāu-hòa
By Joshua Hawkins, 2023-7-22, BER
Massachusetts 理工學院 ê 研究人員發表一篇新論文, 詳細介紹一項逆轉老化 ê 突破 tek 發現, he 會當幫助咱 tī 探揣延遲 a̍h 逆轉老化 ê 拍拚中間轉踅局勢. 這个發現建立 tī 特殊基因 ê 表達, he 科學家 kā 叫做 Yamanaka 因素.
Massachusetts Lí-kang Ha̍k-īⁿ ê gián-kiù jîn-oân hoat-piáu chi̍t-phiⁿ sin lūn-bûn, siông-sè kài-siāu chi̍t-hāng ge̍k-choán lāu-hòa ê tu̍t-phòa-tek hoat-hiān, he ē-tàng pang-chō͘ lán tī thàm-chhōe iân-tî a̍h ge̍k-choán lāu-hòa ê phah-piàⁿ tiong-kan tńg-se̍h kio̍k-sè. Chit-ê hoat-hiān kiàn-li̍p tī te̍k-sû ki-in ê piáu-ta̍t, he kho-ha̍k-ka kā kiò-chò Yamanaka in-sò͘.
Yamanaka 因素最近被發現, 會當 kā 成熟細胞轉化做誘導 tek 多能幹細胞. 這个突破 tek 發現毋但得著 Nobel 賞, mā 促使研究人員質疑, 這種化學轉化 tī 逆轉細胞老化 ê 同時, 有偌好 ê 效果莫致使細胞 ê 癌變.
Yamanaka in-sò͘ chòe-kīn pī hoat-hiān, ē-tàng kā sêng-se̍k sè-pau chóan-hòa chò iú-tō-tek to-lêng kàn-sè-pau. Chit-ê tu̍t-phòa-tek hoat-hiān m̄-nā tit-tio̍h Nobel Siúⁿ, mā chhiok-sú gián-kiù jîn-oân chit-gî, chit-chióng hòa-ha̍k choán-hòa tī ge̍k-choán sè-pau lāu-hòa ê tông-sî, ū gōa hó ê hāu-kó mài tì-sú sè-pau ê gâm-piàn.
這个新研究透過篩選會當逆轉細胞老化 kap 予人類細胞回復活力 ê 分子, 進一步探討彼个可能性. Án-ne tō予研究人員會得開發出高通量 ê 檢測方法, hó-thang 確定細胞是少年, 年老, 甚至是衰老. 研究小組會當確定 6 種無仝 ê 化學雞尾酒, in 會當 kā 核細胞質卵白質 ê 區分 hām 基因範圍 ê 轉錄圖譜回復到較少年 ê 狀態.
Chit-ê sin gián-kiù thàu-kòe thai-soán ē-tàng ge̍k-choán sè-pau lāu-hòa kap hō͘ jîn-lūi sè-pau hôe-ho̍k oa̍h-le̍k ê hun-chú, chìn chi̍t-pō͘ thàm-thó hit-ê khó-lêng-sèng. Án-ne tō hō͘ gián-kiù jîn-oân ē-tit khai-hoat chhut ko thong-liōng ê kiám-chhek hong-hoat, hó-thang khak-tēng sè-pau sī siàu-liân, nî-lāu, sīm-chì sī soe-lāu. Gián-kiù sio-cho͘ ē-tàng khak-tēng 6-chióng bô-kāng ê hòa-ha̍k ke-bóe-chiú, in ē-tàng kā he̍k-sè-pau-chit nn̄g-pe̍h-chit ê khu-hun hām ki-in hoān-ûi ê choán-lo̍k tô͘-phó͘ hôe-ho̍k kàu khah siàu-liân ê chōng-thài.
No comments:
Post a Comment