Saudi 拍破世界上大鏡面建築 ê 記錄
Saudi phah-phòa Sè-kài Siōng-tōa Kiàⁿ-bīn Kiàn-tio̍k ê Kì-lo̍k
Saudi Arabia 西北 AlUla 省 ê Maraya 音樂廳, 創造 Guinness 世界記錄, 是世界第一 ê 鏡面建築. "Maraya" tī Arabia 語是 "鏡" ê 意思, 這座 "鏡面奇蹟" 得著這个名號, 是因為伊 ê 結構安裝巨大 ê 鏡, 照出予人讚嘆 ê AlUla 風景.
Saudi Arabia sai-pak AlUla Séng ê Maraya Im-ga̍k Thiaⁿ, chhòng-chō Guinness Sè-kài Kì-lo̍k, sī sè-kài tē-it ê kiàⁿ-bīn kiàn-tio̍k. "Maraya" tī Arabia gí sī "kiàⁿ" ê ì-sù, chit-chō "kiàⁿ-bīn kî-chek" tit-tio̍h chit-ê miâ-hō, sī in-ūi i ê kiat-kò͘ an-chong kī-tāi ê kiàⁿ, chiò-chhut hō͘ lâng chàn-thàn ê AlUla hong-kéng.
彼包括 Hegra 地區, hia 是 Saudi Arabia 王國第一个予 UNESCO* 列入世界遺產 ê 所在. [* UNESCO /u.nés.ko/ = 聯合國教科文組織]
He pau-koat Hegra tē-khu, hia sī Saudi Arabia Ông-kok tē-it-ê hō͘ UNESCO* lia̍t-ji̍p Sè-kài Ûi-sán ê só͘-chāi. [* UNESCO /u.nés.ko/ = Liân-ha̍p-kok Kàu-kho-bûn Cho͘-chit]
"Maraya" 是一个巨大 ê 鏡面立方體, 一个恬靜, 端莊 ê 建築, 一个 "地點獨特 ê 地標," 充滿意義又閣優雅, 內在又奢華 ê 簡約美感, 是真正 ê "地景藝術建築."
"Maraya" sī chi̍t-ê kī-tāi ê kiàⁿ-bīn li̍p-hong-thé, chi̍t-ê tiām-chēng, toan-chong ê kiàn-tio̍k, chi̍t-ê "tē-tiám to̍k-te̍k ê tē-piau," chhiong-móa ì-gī iū-koh iu-ngá, lāi-chāi iū chhia-hôa ê kán-iok bí-kám, sī chin-chiàⁿ ê "Tē-kéng Gē-su̍t Kiàn-tio̍k."
https://www.gulftoday.ae/culture/2020/03/17/guinness-world-records-title-as-the-largest-mirrored-building
No comments:
Post a Comment