Balkan 微小國 Liberland 得欲成做建立 tī metaverse ê 第一个國家.
Balkan bî-sió-kok Liberland tit-boeh chiâⁿ-chò kiàn-li̍p tī metaverse ê tē-it ê kok-ka.
By Lisa Gibbons, 2022-11-15, euronews.next
這个獨立國, kheh tī Serbia kap Croatia 中間 ê 一片無主地, 將欲成形 tī 虛擬現實.
Chit-ê to̍k-li̍p kok, kheh tī Serbia kap Croatia tiong-kan ê chi̍t-phìⁿ bô-chú-tē, chiong boeh sêng-hêng tī hi-gí hiān-si̍t.
一片拋荒地, 一位 Czech 前政客, kap 虛擬現實 (VR) 有啥交集? 答案是自封 ê Balkan 微小國 Liberland.
Chi̍t-phìⁿ pha-hng tē, chi̍t-ūi Czech chêng chèng-kheh, kap hi-gí hiān-si̍t (VR) ū siáⁿ kau-chi̍p? Tap-àn sī chū-hong ê Balkan bî-sió-kok Liberland.
Liberland 成立 tī 2015, tng-teh 準備開發一个全新 ê metaverse*, 好通進一步實現建國 ê 雄心. [* metaverse ＝ oân-ú-tiū (元宇宙), 是一種虛擬世界]
Liberland sêng-li̍p tī 2015, tng-teh chún-pī khai-hoat chi̍t-ê choân-sin ê metaverse*, hó-thang chìn chi̍t-pō͘ si̍t-hiān kiàn-kok ê hiông-sim. [* metaverse ＝ oân-ú-tiū (元宇宙), sī chi̍t-chióng hi-gí sè-kài]
期望 kā 理想實現 tī 現實生活, Liberland 將是第一个代先 tī 虛擬世界建造 koh 居住 ê 國家.
Kî-bōng kā lí-sióng si̍t-hiān tī hiān-si̍t seng-oa̍h, Liberland chiong sī tē-it-ê tāi-seng tī hi-gí sè-kài kiàn-chō koh ki-chū ê kok-ka.
另外, 世界有名 ê 建築公司 Zaha Hadid Architects mā 一直為一个虛擬城市 ê 願景 teh 拍拚, 彼將會得提供家園予 Liberland 直直成長 ê 人口.
Lēng-gōa, sè-kài ū-miâ ê kiàn-tio̍k kong-si Zaha Hadid Architects mā it-ti̍t ūi chi̍t-ê hi-gí siâⁿ-chhī ê goān-kéng teh phah-piàⁿ, he chiong ē-tit thê-kiong ka-hn̂g hō͘ Liberland ti̍t-ti̍t sêng-tióng ê jîn-kháu.
No comments:
Post a Comment