纖維做 ê 驚人雕塑
Chhiam-ûi chò ê kiaⁿ-lâng tiau-sok
Moss And Fog, 2023-7-9
Benjamin Shine 是英國藝術家, 伊有獨特天份, 會當 kā 薄紗纖維變成驚人, ná 真 ê 肖像雕塑.
Benjamin Shine sī Eng-kok gē-su̍t-ka, i ū to̍k-te̍k thian-hūn, ē-tàng kā po̍h-se chhiam-ûi piàn-chiâⁿ kiaⁿ-lâng, ná-chin ê siàu-siōng tiau-sok.
若無看著伊創作 ê 相片, 咱真僫相信, 彼是完全 kō͘ 纖維做成 ê.
Nā bô khòaⁿ tio̍h i chhòng-chok ê siòng-phìⁿ, lán chin oh siong-sìn, he sī oân-choân kō͘ chhiam-ûi chò sêng ê.
阮真佮意 chiah-ê 雕塑品 ê 塑造 hām 成形, 予 in 飄浮 tī 空中 ê 款勢.
Goán chin kah-ì chiah-ê tiau-sok-phín ê sok-chō hām sêng-hêng, hō͘ in phiau-phû tī khong-tiong ê khoán-sè.
"Kā 一節一節 ê 薄紗變做人面, Shine 實際 tek mā 是暗示 tek 表現出 '定心, 冥想, kap ùi 混亂揣清楚 ê 概念.' 每一件作品 lóng 是透過對幼目薄紗材料 ê 束縛 hām 疊沿, 來實現無仝程度 ê 通光 hām 色調."
"Kā chi̍t-chat chi̍t-chat ê po̍h-se pìⁿ chò lâng-bīn, Shine si̍t-chè-tek mā sī àm-sī-tek piáu-hiān chhut 'tēng-sim, bîng-sióng, kap ùi hūn-loān chhōe chheng-chhó ê kài-liām.' Múi chi̍t-kiāⁿ chok-phín lóng sī thàu-kòe tùi iù-ba̍k po̍h-se châi-liāu ê sok-pa̍k hām tha̍h-iân, lâi si̍t-hiān bô-kāng thêng-tō͘ ê thang-kng hām sek-tiāu."
https://mossandfog.com/stunning-sculptures-made-from-fabric/
No comments:
Post a Comment