日本藝術家 ê 超精密, 超現實 ê 畫作

毋著, chiah-ê 毋是相片. In 是一位日本藝術家 ê 超精密, 超現實 ê 畫作.

M̄-tio̍h, chiah-ê m̄-sī siòng-phìⁿ. In sī chi̍t-ūi Ji̍t-pún gē-su̍t-ka ê chhiau cheng-bi̍t, chhiau-hiān-si̍t ê ōe-chok.

By Chandni G, 2023-7-3

日本畫家 Kei Mieno (三重野慶) 創作超現實畫作, hiah-nī 精密, 予你 kā he 看做是相片. Mieno, 已經出版第一本藝術冊, 愛耍弄色彩, 光線, 陰影, 對比 hām 織理, 來開發難以相信 ê ná 真 ê 畫像. 伊 ê 主要媒體是油彩.

Ji̍t-pún ōe-ka Kei Mieno (三重野慶) chhòng-chok chhiau-hiān-si̍t ōe-chok, hiah-nī cheng-bi̍t, hō͘ lí kā he khòaⁿ chò sī siòng-phìⁿ. Mieno, í-keng chhut-pán tē-it pún gē-su̍t chheh, ài sńg-lāng sek-chhái, kng-sòaⁿ, im-iáⁿ, tùi-pí hām chit-lí, lâi khai-hoat lân-í siong-sìn ê ná-chin ê ōe-siòng. I ê chú-iàu mûi-thé sī iû-chhái.

2007 年伊出業 tī Hiroshima (広島) 市大學藝術學院, án-ne 以來一直 teh 追隨熱情做畫家. Mieno ê 藝術作品已經 tī 日本各地展出, 包括 tī 日本第一間專門展出現實主義畫作 ê 美術館. 值得注意 ê 是, 伊 tī 2017 年得著 Hoki 美術館 ê 大賞, 多年來一直 tī 濟濟美術出版物得著刊載. Chia 有 19 幅伊上媠 ê 創作.

2007 nî i chhut-gia̍p tī Hiroshima (広島) Chhī Tāi-ha̍k Gē-su̍t Ha̍k-īⁿ, án-ne í-lâi it-ti̍t teh tui-sûi jia̍t-chêng chò ōe-ka. Mieno ê gē-su̍t chok-phín í-keng tī Ji̍t-pún kok-tē tián-chhut, pau-koat tī Ji̍t-pún tē-it keng choan-bûn tián-chhut hiān-si̍t-chú-gī ōe-chok ê bí-su̍t-koán. Ta̍t-tit chù-ì ê sī, i tī 2017 nî tit-tio̍h Hoki Bí-su̍t-koán ê tōa siúⁿ, to nî lâi it-ti̍t tī chē-chē bí-su̍t chhut-pán-bu̍t tit-tio̍h khan-chài. Chia ū 19-pak i siōng súi ê chhòng-chok.

https://scoop.upworthy.com/no-these-arent-photos-theyre-super-precise-hyperrealistic-paintings-by-a-japanese-artist-561159-561159