人類可能會發新喙齒, 有望 ê 新藥等試驗
Jîn-lūi khó-lêng ē hoat sin chhùi-khí, ū-bāng ê sin io̍h tán chhì-giām
By Bronwyn Thompson, 2023-7-17, New Atlas
有 ê 鯊魚每幾禮拜 tō 發一組新牙, 鱷魚 tī 長命 ê 一生換幾千支牙. M̄-koh, 咱人喙齒無法度繼續換, 其他飼奶動物 mā án-ne. 等咱 32 支 "大人" 齒發好, 代誌 tō 定著 ah.
Ū-ê soa-hî múi kúi lé-pài tō hoat chi̍t-cho͘ sin gê, kho̍k-hî tī tn̂g-miā ê it-seng ōaⁿ kúi-chheng-ki gê. M̄-koh, lán-lâng chhùi-khí bô hoat-tō͘ kè-sio̍k ōaⁿ, kî-thaⁿ chhī-leng tōng-bu̍t mā án-ne. Tán lán 32-ki "tōa-lâng" khí hoat hó, tāi-chì tō tiāⁿ-tio̍h ah.
今, Japan 一組科學家準備欲試驗一種新藥, 予咱人會 koh 發全新 ê 喙齒.
Taⁿ, Japan chi̍t-cho͘ kho-ha̍k-ka chun-pī boeh chhì-giām chi̍t-chióng sin io̍h, hō͘ lán-lâng ē koh hoat choân-sin ê chhùi-khí.
這个臨床試驗安排 tī 2024 年 7 月, 代先用 tī 無牙症 (tooth agenesis) 患者, he 是遺傳造成 ê 無牙, m̄-koh 科學家 ê 目標是上緊 tī 2030 年 tō 普遍這个治療方法.
Chit-ê lîm-chhn̂g chhì-giām an-pâi tī 2024 nî 7 goe̍h, tāi-seng iōng tī bô-gê-chèng (tooth agenesis) hoān-chiá, he sī ûi-thoân chō-sêng ê bô-gê, m̄-koh kho-ha̍k-ka ê bo̍k-piau sī siōng-kín tī 2030 nî tō phó͘-phiàn chit-ê tī-liâu hong-hoat.
"發新喙齒是逐个齒科 ê 夢想," 𤆬頭研究 ê Osaka Kitano 病院研究中心主任 Katsu Takahashi án-ne 講. "自研究生時代我 tō 一直 teh 研究這个問題. 我有信心 kā he 實現."
"Hoat sin chhùi-khí sī ta̍k-ê khí-kho ê bāng-sióng," chhōa-thâu gián-kiù ê Osaka Kitano Pēⁿ-īⁿ Gián-kiù Tiong-sim chú-jīm Katsu Takahashi án-ne kóng. "Chū gián-kiù-seng sî-tāi góa tō it-ti̍t teh gián-kiù chit-ê būn-tê. Góa ū sìn-sim kā he si̍t-hiān."
https://newatlas.com/medical/humans-grow-new-teeth-drug-trial/
No comments:
Post a Comment