70 歲 Poland Ojisán 痟 2 年健身, 驚動網路
70 Hòe Poland Ojisán Siáu 2-nî Kiān-sin, Kiaⁿ-tōng Bāng-lō͘
By Finlay Mead, 2023-7-16, Health + Fitness
退休體育老師 Wojciech Węcławowicz, 毋驚艱難, kā 家己 ùi 湳肚老芋仔變身 chhiap 外* ê seksi** 標誌, 予朋友, 厝內人 kap 網友大讚嘆. [* chhiap 外 = 70+; ** seksi /sek.si/ = 性感]
Thè-hiu thé-io̍k lāu-su Wojciech Węcławowicz, m̄-kiaⁿ kan-lân, kā ka-tī ùi làm-tó͘ lāu-ō͘-á piàn-sin chhiap-gōa* ê seksi** piau-chì, hō͘ pêng-iú, chhù-lāi-lâng kap bāng-iú tōa chàn-thàn. [* chhiap-gōa = 70+; ** seksi /sek.si/ = sèng-kám]
根據 "第一新聞台" 報導, 退休以後, Wojciech 當然過一个久坐少動 ê 生活方式, 煞發現家己漸漸失去整體體能 kap 過去保持 kah 誠好 ê 體格.
Kin-kì "Tē-it Sin-bûn Tâi" pò-tō, thè-hiu í-āu, Wojciech tong-jiân kòe chi̍t-ê kú chē chió tāng ê sing-oa̍h hong-sek, soah hoat-hiān ka-tī chiām-chiām sit-khì chéng-thé thé-lêng kap kòe-khì pó-chhî kah chiâⁿ hó ê thé-keh.
伊對這个事態發展感覺不安, m̄-koh 毋知按怎才好. 一擺和後生 Tomasz ê 交談, 改變伊 ê 生活, 引起伊行 gym* ê 慾望. [* gym /chím/ = 健身房]
I tùi chit-ê sū-thài hoat-tián kám-kak put-an, m̄-koh m̄-chai án-chóaⁿ chiah hó. Chi̍t-pái hām hāu-seⁿ Tomasz ê kau-tâm, kái-piàn i ê seng-oa̍h, ín-khí i kiâⁿ gym* ê io̍k-bōng. [* gym /chím/ = kiān-sin-pâng]
Wojciech 回想當初: "我已經慣勢坐 tī 家己 ê 撐椅, ná 啉 beer*, ná 食 barbecue*, 一下無注意, 體重直直加." [* beer /bí.lù/ = 麥仔酒; ** barbecue /ba.bi.khiú/ = 烘肉]
Wojciech hôe-siūⁿ tong-chho͘: "Góa í-keng koàn-sì chē tī ka-tī ê the-í, ná lim beer*, ná chia̍h barbecue*, chi̍t-ē bô chù-ì, thé-tāng ti̍t-ti̍t ke." [* beer /bí.lù/ = be̍h-á chiú; ** barbecue /ba.bi.khiú/ = hang-bah]
Kā 規个訓練交予後生 -- 鍛鍊, 飲食, 和其他種種 -- Wojciech 開始未曾有 ê 旅程, 拍拚 kā 家己 ê 身體回復過去 ê 光彩.
Kā kui-ê hùn-liān kau hō͘ hau-seⁿ -- toàn-liān, ím-si̍t, hām kî-thaⁿ chióng-chióng -- Wojciech khai-sí bōe-chêng-ū ê lí-têng, phah-piàⁿ kā ka-tī ê sin-thé hôe-ho̍k kòe-khì ê kong-chhái.
--
No comments:
Post a Comment