Paris 2024 Olympic kap Paralympic火把採用對稱, 波紋 ê 設計, 象徵平等
Paris 2024 Olympic kap Paralympic Hóe-pé Chhái-iōng Tùi-chheng, Pho-bûn ê Siat-kè, Siōng-teng Pêng-téng
By Sarang Sheth, 2023-7-25
Franse 設計師 Mathieu Lehanneur tī Paris 2024 Olympic 前發表 Olympic kap Paralympic* ê 火把設計. 火把採用霧面 kap 光面 ê 質感, 以及 iu 面 kap 波紋表面中間 ê 交插作用, 表現 Franse 平靜 ê 陸地 kap Seine /sén/ 河流動 ê 水. [* Paraolympic = 障礙者 Olympic]
Franse siat-kè-su Mathieu Lehanneur tī Paris 2024 Olympic chêng hoat-piáu Olympic kap Paralympic* ê hóe-pé siat-kè. Hóe-pé chhái-iōng bū-bīn kap kng-bīn ê chit-kám, í-ki̍p iu-bīn kap pho-bûn piáu-bīn tiong-kan ê kau-chhap chok-iōng, piáu-hiān Franse pêng-chēng ê lio̍k-tē kap Seine /sén/ Hô lâu-tāng ê chúi. [* Paraolympic = Chiòng-gāi-chiá Olympic]
這是第一擺 Olympic kap Paralympic 火把採用仝外形, 尺寸, 和重量 ê 設計, 唯一差別是火把頂面 ê 標誌. 這強化一个意義: 全人類 tī 精神, 運動風度, kap 潛能 lóng 平等. Paris 2024 mā 標誌第一擺, 運動員查某平濟查埔.
Che sī tē-it pái Olympic kap Paralympic hóe-pé chhái-iōng kāng gōa-hêng, chhioh-chhùn, hām tāng-liōng ê siat-kè, ûi-it chha-pia̍t sī hóe-pé téng-bīn ê piau-chì. Che kiông-hòa chi̍t-ê ì-gī: choân jîn-lūi tī cheng-sîn, ūn-tōng hong-tō͘, kap chiâm-lêng lóng pêng-téng. Paris 2024 mā piau-chì tē-it pái, ūn-tōng-oân cha-bó͘ pêⁿ-chē cha-po͘.
這支鋼質 ê 火把由 Mathieu Lehanneur 設計, ArcelorMittal 公司製造, 採用坦橫, 坦直 lóng 對稱 ê 設計, 表面是溫暖 ê shampén 色 (展示 Franse 文化), 由百分百回收材料製造, 延續 2020 Tokyo Olimpic ê 傳統.
Chit-ki kǹg-chit ê hóe-pé iû Mathieu Lehanneur siat-kè, ArcelorMittal Kong-si chè-chō, chhái-iōng thán-hoâiⁿ, thán-ti̍t lóng tùi-chheng ê siat-kè, piáu-bīn sī un-loán ê shampén sek (tián-sī Franse bûn-hòa), iû pah-hun-pah hôe-siu châi-liāu chè-chō, iân-sio̍k 2020 Tokyo Olimpic ê thoân-thóng.
火把線條柔軟, 流暢, 外形圓潤, 平順, 盡在引起寧靜 ê 感覺. 火把一頭 ê 波紋效果和反光表面, 靈感來自寧靜 ê 水和雄偉壯麗 ê Seine 河.
Hóe-pé sòaⁿ-tiâu jiû-nńg, liû-thiòng, gōa-hêng îⁿ-jūn, pêng-sūn, chīn-chāi ín-khí lêng-chēng ê kám-kak. Hóe-pé chi̍t-thâu ê pho-bûn hāu-kó hām hoán-kng piáu-bīn, lêng-kám lâi-chū lêng-chēng ê chúi hām hiông-úi chòng-lē ê Seine Hô.
No comments:
Post a Comment