按怎翕花 ê 媠相
Án-chóa Hip Hoe ê Súi-siòng
2023-6-30 by Blind Magazine
花蕊是愛大自然 ê 攝影師 ê 熱門主題. 無論你是 teh 學 kamera ê 菜鳥, a̍h 是欲完善技術 ê pro*, 花總是有鏡頭緣, 提供種種可能. 為著翕花活動成功, 來看專家按怎講. [* pro = /phú.lô/ = 專業人士]
Hoe-lúi sī ài tāi-chū-jiân ê liap-iáⁿ-su ê jia̍t-mn̂g chú-tê. Bô-lūn lí sī teh o̍h kamera ê chhài-chiáu, a̍h sī boeh oân-siān ki-su̍t ê pro*, hoe chóng-sī ū kiàⁿ-thâu-iân, thê-kiong chióng-chióng khó-lêng. Ūi tio̍h hip-hoe oa̍h-tāng sêng-kong, lâi khòaⁿ choan-ka án-chóaⁿ kóng. [* pro /phú.lô/ = choan-gia̍p jîn-sū]
大自然又閣萬花開放, 翕花是掠著咱身邊花蕊 ê 媠 ê 理想手段. 你需要做--ê, 干焦是行出恁兜, kō͘ 各種角度翕花.
Tāi-chū-jiân iū-koh bān-hoe khai-hòng, hip-hoe sī lia̍h tio̍h lán sin-piⁿ hoe-lúi ê súi ê lí-sióng chhiú-tōaⁿ. Lí su-iàu chò--ê, kan-ta sī kiâⁿ-chhut lín tau, kō͘ kok-chióng kak-tō͘ hip-hoe.
不而過, kā 花翕快相是簡單, 欲翕會媠氣, 愛有淡薄技術. 你若欲翕花 ê 放大相, 欲成功著做到幾項條件: 選鏡頭, 構成, 設定, 視角, 一工 ê 時陣, tt.
Put-jî-kò, kā hoe hip khoài-siòng sī kán-tan, boeh hip ē súi-khùi, ài ū tām-po̍h ki-su̍t. Lí nā boeh hip hoe ê hòng-tōa siòng, boeh sêng-kong tio̍h chò-kàu kúi-hāng tiâu-kiāⁿ: soán kiàⁿ-thâu, kò͘-sêng, siat-tēng, sī-kak, chi̍t-kang ê sî-chūn, tt.
https://www.blind-magazine.com/tips/flower-photography-how-to-take-beautiful-flower-photos/
No comments:
Post a Comment