吼風嶺主角 Margot Robbie 唌人 ê 愛人節相片

吼風嶺主角 Margot Robbie 唌人 ê 愛人節相片
ComingSoon.net
2025-2-14
By Ryan Louis Mantilla

Margot Robbie 主演 ê 吼風嶺 (Wuthering Heights) 透露一張唌人 ê 相片來慶祝愛人節 (Valentine’s Day). 這齣由 Emerald Fennell 導演 kap 編劇 ê 劇情電影將欲 tī 2026 年 2 月 14 演出.

吼風嶺是 Fennell 綴 tī 她大成功 ê 作品 Saltburn (鹽城) 以及她初次 tī 2020 導演 ê Promising Young Woman (光明少女) 後面 ê 上新作品. 這齣由 Warner Bros. Pictures 出品 ê 電影改編自英國小說家兼詩人 Emily Brontë tī 1847 年出版 ê 仝名小說.

吼風嶺一向被認為是上偉大 ê 英語小說之一, 是有關 Earnshaw kap Linton chit 兩家族多年中間 ê 關係. 這齣得欲演出 ê 新戲並毋是改編自彼本 Victoria 時代小說 ê 第一个作品. He 小說已經濟濟擺改編做電影, 電視劇, kap 舞台劇, 出品 ê 年 kō 包括:1939, 1950, 1962, 1967, 1970, 1992, 1998, 2003, 2009, 2011, kap 2015.

吼風嶺將 tī 2026 年 2 月 14 演出.

-

Háu-hong Niá Chú-kak Margot Robbie Siâⁿ-lâng ê Ài-jîn Cheh Siòng-phìⁿ
ComingSoon.net
2025-2-14
By Ryan Louis Mantilla

Margot Robbie chú-ián ê Háu-hong Niá (Wuthering Heights) thàu-lō͘ chi̍t-tiuⁿ siâⁿ-lâng ê siòng-phìⁿ lâi khèng-chiok Ài-jîn Cheh (Valentine’s Day). Chit-chhut iû Emerald Fennell tō-ián kap pian-kio̍k ê kio̍k-chêng tiān-iáⁿ chiong boeh tī 2026 nî 2 goe̍h 14 ián-chhut.

Háu-hong Niá sī Fennell tòe tī yi tōa sêng-kong ê chok-phín Saltburn (Iâm-siâⁿ) í-ki̍p yi chho͘-chhù tī 2020 tō-ián ê Promising Young Woman (Kong-bêng Siàu-lú) āu-bīn ê siōng-sin chok-phín. Chit-chhut iû Warner Bros. Pictures chhut-phín ê tiān-iáⁿ kái-pian chū Eng-kok sió-soat-ka kiam si-jîn Emily Brontë tī 1847 nî chhut-pán ê kāng-miâ sió-soat.

Háu-hong Niá it-hiòng pī jīn-ûi sī siōng úi-tāi ê Eng-gí sió-soat chi-it, sī iú-koan Earnshaw kap Linton chit nn̄g ka-cho̍k to-nî tiong-kan ê koan-hē. Chit-chhut tit-boeh ián-chhut ê sin-hì pēng m̄-sī kái-pian chū hit-pún Victoria Sî-tāi sió-soat ê tē-it ê chok-phín. He sió-soat í-keng chē-chē pái kái-pian chò tiān-iáⁿ, tiān-sī-kio̍k, kap bú-tâi-kio̍k, chhut-phín ê nî-kō pau-koat:1939, 1950, 1962, 1967, 1970, 1992, 1998, 2003, 2009, 2011, kap 2015.

Háu-hong Niá chiong tī 2026 nî 2 goe̍h 14 ián-chhut.

=

https://www.comingsoon.net/movies/news/1922336-wuthering-heights-first-image-margot-robbie-valentines-day