Robot tī Seoul 上指揮台, 擔任樂團指揮
Robot tī Seoul chiūⁿ chí-hui-tâi, tam-jīm ga̍k-thoân chí-hui
Seoul, 6-30 (Reuters) -- 拜 5 暗, 人形 robot* EveR 6 tī Seoul peh 上指揮台, 𤆬韓國國家交響樂團演出, 標誌該國 ê 頭擺試探. [* robot /ló.pot/ = 機器人]
Seoul, 6-30 (Reuters) -- Pài-5 àm, Lâng-hêng robot* EveR 6 tī Seoul peh-chiūⁿ chí-hui-tâi, chhōa Hân-kok kok-ka kau-hiáng ga̍k-thoân ián-chhut, piau-chì kai-kok ê thâu-pái chhì-thàm. [* robot /ló.pot/ = ke-khì-lâng]
這个有雙手 ê robot, 由韓國工業研究院所設計, 頭擺上台 tī 韓國國家劇院, 領𤆬該國國家管弦樂隊 ê 音樂家.
Chit-ê ū siang-chhiú ê robot, iû Hân-kok Kang-gia̍p Gián-kiù-īⁿ só͘ siat-kè, thâu-pài chiūⁿ-tâi tī Hân-kok Kok-ka Kio̍k-īⁿ, niá-chhōa kai-kok kok-ka koán-hiân ga̍k-tūi ê im-ga̍k-ka.
這个有人 ê 面形 ê robot, 先 ǹg 觀眾彎腰行禮, 然後開始揮動雙手, 控制現場表演 ê 節奏.
Chit-ê ū lâng ê bīn-hêng ê robot, seng ǹg koan-chiòng oan-io kiâⁿ-lé, jiân-āu khai-sí hui-tāng siang-chhiú, khòng-chè hiān-tiûⁿ piáu-ián ê chiat-chàu.
https://www.reuters.com/technology/robot-takes-podium-orchestra-conductor-seoul-2023-06-30/
No comments:
Post a Comment